ବୌଦ୍ଧ: ଜିଲ୍ଲାର ସମସ୍ତ ନ’ ଗୋଟି ଜିଲ୍ଲା ପରିଷଦ ଆସନରେ ବିଜେପି ଭଲ ପ୍ରଦର୍ଶନ କରିବ । ଏହାସହ ଜିଲ୍ଲା ପରିଷଦ ଗଠନର ଦମ୍ଭୋକ୍ତି ରଖିଛନ୍ତି ବରିଷ୍ଠ ବିଜେପି ନେତା ତଥା ପୂର୍ବତନ ସାଂସଦ ଐର ଖାରବେଳ ସ୍ବାଇଁ । ଆଜି ଦଳୀୟ ପ୍ରାର୍ଥୀଙ୍କ ପାଇଁ ପ୍ରଚାର କରି ଏହା କହିଛନ୍ତି ଐର ଖାରବେଳ ସ୍ବାଇଁ । ଆଜି ଜିଲ୍ଲାର ବିଭିନ୍ନ ଜୋନରେ ପ୍ରଚାର କରିଛନ୍ତି ଖାରବେଳ ।
ଜିଲ୍ଲାର ସମସ୍ତ ନ’ଗୋଟି ଜିଲ୍ଲା ପରିଷଦ ଜୋନ ତଥା ସମସ୍ତ ପଞ୍ଚାୟତରେ ପ୍ରାର୍ଥୀ ଚଳାଇଛନ୍ତି ଜୋରଦାର ପ୍ରଚାର । ନିଜ ନିଜ ଶୈଳୀରେ ଭୋଟରଙ୍କୁ ପ୍ରଭାବିତ କରିବାକୁ ଚେଷ୍ଟା କରୁଛନ୍ତି ପ୍ରାର୍ଥୀ ।ପ୍ରମୁଖ ରାଜନୈତିକ ଦଳ ବିଜେପି, ବିଜେଡି ଓ କଂଗ୍ରେସ ବୌଦ୍ଧ ଜିଲ୍ଲାର ସମସ୍ତ ନ’ ଗୋଟି ଜୋନରେ ପ୍ରାର୍ଥୀ ଦେଇଥିବାବେଳେ ଚଳିତ ତ୍ରୀସ୍ତରୀୟ ପଞ୍ଚାୟତ ନିର୍ବାଚନରେ ସିଧାସଳଖ ଶାସକ ବିଜେଡି ସହିତ ବିଜେପିର ଲଢେଇ ହେଉଛି ।
ଗତ ନିର୍ବାଚନରେ ବିଜେପି ଜିଲ୍ଲାର ଛ’ ନମ୍ବର ଓ ସାତ ନମ୍ବର ଜୋନରେ ବିଜୟୀ ହୋଇଥିବାବେଳେ ଚଳିତ ନିର୍ବାଚନରେ ସମସ୍ତ ଜୋନରେ ଭଲ ପ୍ରଦର୍ଶନ କରିବ ବୋଲି ବିଜେପି ଆଶା ରଖିଛି ।ଆଜି ବୌଦ୍ଧ ଜିଲ୍ଲାର ବିଭିନ୍ନ ଜୋନରେ ପ୍ରଚାର କରି ବିଜେପି ପ୍ରାର୍ଥୀଙ୍କ ପାଇଁ ଡୋରଟୁ ଡୋର କ୍ୟାମ୍ପେନ କରି ପ୍ରଚାର କରିଛନ୍ତି ଦଳର ବରିଷ୍ଠ ନେତା ତଥା ପୂର୍ବତନ ସାଂସଦ ଐର ଖାରବେଳ ସ୍ବାଇଁ । ଜିଲ୍ଲାରେ ବିଜେପି ଭଲ ପ୍ରଦର୍ଶନ କରିବ ବୋଲି କହିଛନ୍ତି ସେ ।
ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ
