ଖୋର୍ଦ୍ଧା: ବର୍ଷା ଦିନ ଆସିଲେ ଛାତିରେ ପଶୁଛି ଛନକା । ବର୍ଷେ କି ଦୁଇ ବର୍ଷ ନୁହେଁ, ବରଂ ଦୀର୍ଘ ବର୍ଷ ହେବ ବର୍ଷା ଦିନରେ ନର୍ଦମା ପାଣି ସହ ସଂଘର୍ଷ କରୁଛନ୍ତି ଖୋର୍ଦ୍ଧା ମ୍ୟୁନିସିପାଲିଟି ଅଞ୍ଚଳ ବୁଢ଼ୀ ବଗିଚା ଅଞ୍ଚଳବାସୀ । ମୁକୁଳା ଡ୍ରେନକୁ ସଜାଡ଼ିବା ପାଇଁ ବାରମ୍ବାର ପୌର ପ୍ରଶାସନଠାରୁ ଜିଲା ପ୍ରଶାସନ ପର୍ଯ୍ୟନ୍ତ ଅଭିଯୋଗ କରି ନିରାଶ ହେଲେଣି ସ୍ଥାନୀୟ ବାସିନ୍ଦା ।
ଘରେ ପଶୁଛି ଡ୍ରେନ ପାଣି, ଅଭିଯୋଗ ସତ୍ୱେ ଚୁପ ପୌର ପ୍ରଶାସନ
ଅସରାଏ ବର୍ଷା ଘର ଭିତରେ ବନ୍ୟାର ଭ୍ରମ ସୃଷ୍ଟି କରୁଥିବାବେଳେ କେବେ ଏ ସମସ୍ୟାର ସମାଧାନ ହେବ ତାକୁ ହିଁ ଚାହିଁ ରହିଛନ୍ତି ଏଠାକାର ଲୋକେ । ସେପଟେ ଏହି ନାର୍ଦମା ପାଣି ଘର ଭିତରେ ପଶିବାରୁ ନାନା ପ୍ରକାର ରୋଗର ଶିକାର ହେଉଛନ୍ତି ଛୋଟଛୋଟ ପିଲାମାନେ । ଏହି ଡ୍ରେନ ସମସ୍ୟାର ତୁରନ୍ତ ସମାଧାନ କରାନଗଲେ ଅଞ୍ଚଳବାସୀ ଆନ୍ଦୋଳନକୁ ଓହ୍ଲାଇବା ପାଇଁ ଚେତାବନୀ ଦେଇଛନ୍ତି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
