ବୌଦ୍ଧ: ଦିନିକିଆ ବୌଦ୍ଧ ଗସ୍ତରେ ବୁଧବାର ବିଭିନ୍ନ କାର୍ଯ୍ୟକ୍ରମରେ ଯୋଗ ଦେଇଛନ୍ତି ରାଜ୍ୟସଭା ସାଂସଦ ଡ଼. ଅଚ୍ୟୁତ ସାମନ୍ତ । ହରଭଙ୍ଗା ବ୍ଲକର ଲୁଣିବାହାଲଠାରେ ଏକ ଶିକ୍ଷାନୁଷ୍ଠାନ ଭୂମି ପୂଜନ କାର୍ଯ୍ୟକ୍ରମରେ ଯୋଗ ଦେଇଥିଲେ । ଶିକ୍ଷାର ବିକାଶ ନିମନ୍ତେ ସେ ଚେଷ୍ଟିତ ଥିବା ସହ ଗରିବ ପିଲାଙ୍କ ମାଗଣା ଶିକ୍ଷା ଉପରେ ଗୁରୁତ୍ବାରୋପ କରିଥିଲେ ।
ଅପରାହ୍ନରେ କେଳାକଟା ଠାରେ ୧୦୮ ଫୁଟ ବିଶିଷ୍ଟ ଗୌତମ ବୁଦ୍ଧଙ୍କ ପ୍ରତିମୂର୍ତ୍ତି ନିର୍ମାଣ ନିମନ୍ତେ ଭିତ୍ତିପ୍ରସ୍ତର ସ୍ଥାପନ କରିଥିଲେ । ଏହାସହ ସଂଧ୍ୟାରେ ବାଚସ୍ପତିଙ୍କ ଉପସ୍ଥିତିରେ ବୌଦ୍ଧ ତହସିଲ ପରିସରରେ ବାବା ସାହେବ ବି ଆର ଆମ୍ବେଦକରଙ୍କ ପୂର୍ଣ୍ଣ ପ୍ରତିମୂର୍ତ୍ତିକୁ ଅନାବରଣ କରିଥିଲେ ।
ବୌଦ୍ଧ ଜିଲ୍ଲାର କୌଣସି ସ୍ଥାନରେ ଆମ୍ବେଦକରଙ୍କ ପ୍ରତିମୂର୍ତ୍ତି ନଥିବାରୁ ଏହି ମୂର୍ତ୍ତି ସ୍ଥାପନକୁ ବିଭିନ୍ନ ମହଲରୁ ସ୍ବାଗତ କରାଯାଇଛି । ଆଗକୁ ନିର୍ବାଚନ ଥିବାବେଳେ ଅଚ୍ୟୁତ ସାମନ୍ତଙ୍କ ବୌଦ୍ଧ ଜିଲ୍ଲା ଗସ୍ତ ରାଜନୈତିକ ଆଲୋଚନାର ଖୋରାକ ଯୋଗାଇଛି ।
ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ
