ବୌଦ୍ଧ: ପ୍ରବାସୀ ଶ୍ରମିକ ପୁଣି କର୍ମ ଅଭିମୁଖେ ବାହାର ରାଜ୍ୟ ମୁହାଁ ହୋଇଛନ୍ତି । କିଛିଦିନ ତଳେ ଶ୍ରମିକମାନଙ୍କୁ ନେଇଯାଉଥିବା ଏକ ବସ ରାୟଗଡା ଜିଲ୍ଲାରେ ଦୁର୍ଘଟଣାଗ୍ରସ୍ତ ହୋଇଥିବା ବେଳେ ସେଥିରେ ବୌଦ୍ଧ ଜିଲ୍ଲାର ଚାରି ଜଣ ଶ୍ରମିକ ଥିବା ସୂଚନା ମିଳିଛି । ସେହି ଦୁର୍ଘଟଣାରେ ଜଣେ ଶ୍ରମିକ ଆହତ ହୋଇଥିବା ବେଳେ ସମସ୍ତଙ୍କୁ ସ୍ଥାନୀୟ ଏକ ବିଦ୍ୟାଳୟରେ ସୁରକ୍ଷିତ ରଖାଯାଇଥିବା ବୌଦ୍ଧ ଜିଲ୍ଲାପାଳ ଲଲାଟେନ୍ଦୁ ମିଶ୍ର କହିଛନ୍ତି । ବୁଦ୍ଧିଜୀବୀମାନେ ବାହାର ରାଜ୍ୟକୁ ଯାଉଥିବା ଶ୍ରମିକଙ୍କ ପଞ୍ଜିକରଣ କରାଯିବାକୁ ପ୍ରସ୍ତାବ ଦେଇଛନ୍ତି ।
ଲକଡାଉନ ସମୟରେ ବାହାର ରାଜ୍ୟରେ କାମ କରୁଥିବା ଶ୍ରମିକମାନେ ନିଜ ଘରକୁ ଫେରି ଆସିଥିଲେ । ବର୍ତ୍ତମାନ ନୂଆଖାଇ ସରିଯିବା ପରେ ପୁଣି କାମ ଧନ୍ଦା ଅନ୍ବେଷଣରେ ଶ୍ରମିକମାନେ ବାହାର ରାଜ୍ୟ ମୁହାଁ ହେଲେଣି । ତେବେ ପ୍ରବାସୀ ଶ୍ରମିକଙ୍କୁ ନେଇ ଯାଉଥିବା ଏକ ବସ ରାୟଗଡା ଜିଲ୍ଲାର ଗୁମା ଘାଟିରେ ଦୁର୍ଘଟଣାଗ୍ରସ୍ତ ହୋଇଥିବା ଜଣାପଡିଛି । ଯେଉଁ ବସରେ ବୌଦ୍ଧ ଜିଲ୍ଲାର ଚାରିଜଣ ଦାଦନ ଶ୍ରମିକ ଥିବା ସୂଚନା ମିଳିଛି । ସେମାନଙ୍କ ମଧ୍ୟରୁ ଜଣେ ଶ୍ରମିକ ଆହତ ହୋଇଥିବା ବେଳେ ସମସ୍ତଙ୍କୁ ସ୍ଥାନୀୟ ଏକ ବିଦ୍ୟାଳୟରେ ସୁରକ୍ଷିତ ରଖାଯାଇଥିବା ବୌଦ୍ଧ ଜିଲ୍ଲାପାଳ କହିଛନ୍ତି । ଏପଟେ ବୁଦ୍ଧିଜୀବୀମାନେ ବାହାର ରାଜ୍ୟକୁ ଯାଉଥିବା ଶ୍ରମିକଙ୍କ ପଞ୍ଜିକରଣ କରାଯିବାକୁ ପ୍ରସ୍ତାବ ଦେଇଥିବା ବେଳେ ରାଜ୍ୟ ବିଜେପି ଯୁବ ମୋର୍ଚ୍ଚା ସଂପାଦକ ଓମପ୍ରକାଶ ମିଶ୍ର ବୌଦ୍ଧ ଜିଲ୍ଲାପାଳଙ୍କୁ ପତ୍ର ଲେଖି ସହାୟତା ଯୋଗାଇଦେବାକୁ ଦାବି କରିଛନ୍ତି ।
ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ
