ବୌଦ୍ଧ : କୋରୋନା କଟକଣା କୋହଳ ହେବା ପରେ ଜିଲ୍ଲାରେ ସାମାନ୍ୟ ହେବାରେ ଲାଗିଛି ଜନଜୀବନ । ବୌଦ୍ଧ ଜିଲ୍ଲାରେ ସଂକ୍ରମଣ ହାର ସମ୍ପୂର୍ଣ୍ଣ ନିୟନ୍ତ୍ରଣାଧୀନ ଥିବା ବେଳେ ଜୁଲାଇ ପହିଲାରୁ ବିଭିନ୍ନ ଦୋକାନ ସବୁ ଖୋଲିଛି । ବିଶେଷ ଭାବରେ ଦୀର୍ଘ ଦୁଇ ମାସ ହେଲା କଷ୍ଟରେ ଥିବା ଉଠା ଦୋକାନୀ, ଚାହା ଦୋକାନୀ, ସେଲୁନ ଓ ଅନ୍ୟ ସବୁ ଦୋକାନ ଖୋଲିବା ପରେ ସ୍ବାଭାବିକ ହେଉଛି ଜନଜୀବନ ।
କଟକଣା କୋହଳ ପରେ ଚିନ୍ତାରେ ବସ ମାଲିକ,ଗଡିଲା ସରକାରୀ ବସ
ସେପଟେ ବସ ମଧ୍ୟ ଜିଲ୍ଲାରେ ଗଡିବା ଆରମ୍ଭ ହୋଇଛି । ତେବେ ଡିଜେଲ ଦର ବୃଦ୍ଧି ଓ ଯାତ୍ରୀ ଅଭାବ ଯୋଗୁଁ ବସ ମାଲିକ କ୍ଷତି ସହୁଥିବା ସୂଚନା ମିଳିଛି । ଫଳରେ ବସ କର୍ମଚାରୀଙ୍କୁ ଦରମା ଦିଆଯାଇ ପାରୁନି ।ତେଣୁ ସରକାର ଏଥିପ୍ରତି ଦୃଷ୍ଟି ଦେବାକୁ ବସ ମାଲିସ ଦାବି କରିଛନ୍ତି । ତେବେ ଧିରେ ଧିରେ ପରିସ୍ଥିତି ସୁଧୁରିବ ବୋଲି ସାଧାରଣ ଲୋକ ଆଶା ରଖିଛନ୍ତି ।
ବୌଦ୍ଧରୁ ସତ୍ୟନାରାୟଣ ପାଣି,ଇଟିଭି ଭାରତ
