ବୌଦ୍ଧ: ଜିଲ୍ଲାରେ ବୃଦ୍ଧି ପାଉଛି କୋରୋନା ସଂକ୍ରମଣ । ବିଭିନ୍ନ ସ୍ଥାନରୁ ପୁଣି 87ଜଣ କୋରୋନା ପଜିଟିଭ ଚିହ୍ନଟ ହୋଇଛନ୍ତି । ସଂକ୍ରମଣ ବୃ୍ଦ୍ଧି ଜିଲ୍ଲା ପ୍ରଶାସନର ଚିନ୍ତାର କାରଣ ପାଲଟିଛି । ବୌଦ୍ଧ ପୌରାଞ୍ଚଳକୁ ହଟସ୍ପଟ ଭାବରେ ଘୋଷଣା କରାଯାଇଛି ।
ଚିନ୍ତାରେ ପ୍ରଶାସନ
ଏହି ସହିତ ଜିଲ୍ଲାର ବିଭିନ୍ନ ବସ୍ତି ସମେତ ସଂକ୍ରମିତ ଅଞ୍ଚଳକୁ ମାଇକ୍ରୋ କଣ୍ଟେନେଣ୍ଟ ଜୋନ ଭାବରେ ଘୋଷଣା କରାଯାଇଛି । ଏହା ସହିତ ଜିଲ୍ଲାରେ ମୃତ୍ୟୁ ସଂଖ୍ୟା ବି ବଢିବାରେ ଲାଗିଛି । ଦିନକୁ ଦିନ କୋରୋନାର କୋପ ବଢିବାରେ ଲାଗିଛି । ଲୋକମାନେ ଭୟଭୀତ ହୋଇଛନ୍ତି । କୋରୋନାକୁ ହରାଇବାକୁ ହେଲେ କେବଳ ନିୟମ ଓ ସଚେତନତାର ଆବଶ୍ୟକ ।
କୋରୋନାକୁ ହରାଇବା ପାଇଁ ସାରା ରାଜ୍ୟାରେ ସପ୍ତାହାନ୍ତ ସଟଡାଉନ ଜାରି ରହିଛି । ସଟଡାଉନକୁ ବଣିକ ସଂଘ ଓ ଲୋକଙ୍କ ସମର୍ଥନ ମିଳିଛି । କୋରୋନାକୁ ମୁକାବିଲା କରିବାକୁ ଜିଲ୍ଲା ପ୍ରଶାସନ ପକ୍ଷରୁ ପଦକ୍ଷପମାନ ଗ୍ରହଣ କରାଯାଉଛି ।
ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ
