ବୌଦ୍ଧ: ବୌଦ୍ଧ ଜିଲ୍ଲାର ଅନ୍ୟତମ ପ୍ରମୁଖ ସ୍ଥାନ ହେଉଛି ମନମୁଣ୍ଡା । ଏଠାରେ ଥିବା ସ୍ବାସ୍ଥ୍ୟ କେନ୍ଦ୍ର ଉପରେ ଉଭୟ ବୌଦ୍ଧ ଓ ସୋନପୁର ଜିଲ୍ଲାର ଅନେକ ଲୋକ ନିର୍ଭର କରିଥାନ୍ତି । ହେଲେ ଏହି ହସ୍ପିଟାଲକୁ ନେଇ ଏବେ ଲାଗି ରହିଛି ବହୁ ସମସ୍ୟ। କେତେବେଳେ ଡାକ୍ତର ନାହାଁନ୍ତିତ କେତେବେଳ ସର୍ବନିମ୍ନ ଚିକିତ୍ସା ସୁବିଧା ମଧ୍ୟ ମିଳୁନାହିଁ ।
ଯଦ୍ବାରା ଏହି ହସ୍ପିଟାଲ ଉପରେ ନିର୍ଭରଶୀଳ ଥିବା ଲୋକଙ୍କୁ ଉପଯୁକ୍ତ ସ୍ବାସ୍ଥ୍ୟସେବା ମିଳିପାରୁ ନଥିବା ଅଭିଯୋଗ ହୋଇଛି । ରୋଗୀମାନେ ଅଧିକାଂଶ ସମୟରେ ଏହି ହସପିଟାଲରୁ ନିରାଶ ହୋଇ ଫେରିଥାନ୍ତି । ସବୁଠାରୁ ବିଡମ୍ବନା ହେଲା ଉକ୍ତ ହସ୍ପିଟାଲର କର୍ମଚାରୀଙ୍କୁ ଜଣାନାହିଁ ହସ୍ପିଟାଲରେ ଏକ୍ସରେ ମେସିନ ଅଛିକି ନାହିଁ । ଏମିତି ଗଦା ଗଦା ସମସ୍ୟାକୁ ନେଇ ଚାଲୁଛି ଏହି ହସ୍ପିଟାଲ । ଯାହକୁ ନେଇ ସ୍ଥାନୀୟ ଅଞ୍ଚଳରେ ଜନଅସନ୍ତୋଷ ବୃଦ୍ଧି ପାଉଛି । ହେଲେ ଏଠାରେ ନିଯୁକ୍ତି ପାଇଥିବା ଡାକ୍ତର କହିଛନ୍ତି ହସ୍ପିଟାଲରେ କୌଣସି ସମସ୍ୟା ନାହିଁ । ଯାହା ସମସ୍ୟାକୁ ଆହୁରି ବଢାଇ ଦେଇଛି ।
ବୌଦ୍ଧରୁ ସତ୍ୟନାରାୟଣ ପାଣି, ଇଟିଭି ଭାରତ
