ବୌଦ୍ଧ: ଜିଲ୍ଲାରେ ପାଲଝାର ଫାର୍ମ ଦୁର୍ନୀତି ପରେ ଏବେ ଧାନ ବିହନକୁ ନେଇ ଚାଷୀଙ୍କ ମଧ୍ୟରେ ଆଶଙ୍କା ପ୍ରକାଶ ପାଇଛି । ବର୍ତ୍ତମାନ ବିହନ ଧାନ ଠିକରେ ମିଳୁନଥିବା ବେଳେ ଧାନ ଗଜା ହେଉନଥିବାରୁ ଚାଷୀଙ୍କ ଚିନ୍ତା ଦ୍ବିଗୁଣିତ ହୋଇଛି । ଏପରି ସ୍ଥିତିରେ ଧାନ ବିହନ ଉତ୍ପାଦନ କେନ୍ଦ୍ର ପାଲଝାର ଫାର୍ମରେ ବ୍ୟାପକ ଦୁର୍ନୀତି ପାଇଁ ଚଳିତବର୍ଷ ଏଠାରେ ବିହନ ଧାନ ଅମଳ ହୋଇପାରିନାହିଁ ।
ବୌଦ୍ଧରେ ଗଜା ହେଉନି ବିହନ ଧାନ, ଚିନ୍ତାରେ ଚାଷୀ
ସେପଟେ ଧାନ ବୁଣା ସମୟ ହୋଇସାରିଥିଲେ ମଧ୍ୟ ଉନ୍ନତମାନର ଧାନ ବିହନ ନାଁରେ ଚାଷୀମାନେ ଶୋଷଣର ଶିକାର ହେଉଥିବା ଅଭିଯୋଗ କରିଛନ୍ତି । ବିହନ ଧାନ ଗଜା ହେଉ ନଥିବାରୁ ଏବେ ଆଶା ଆଶଙ୍କାରେ ଚାଷୀ । ଏନେଇ ଚାଷୀମାନେ ବିଭାଗୀୟ ଅଧିକାରୀଙ୍କୁ ଅଭିଯୋଗ କରିଥିବା ବେଳେ ଏନେଇ ଖୁବଶୀଘ୍ର ପଦକ୍ଷେପ ନେବେ ବୋଲି ସ୍ପଷ୍ଟ କରିଛନ୍ତି ସମ୍ପୃକ୍ତ ଅଧିକାରୀ ।
ତେଣେ ବୌଦ୍ଧ ଜିଲ୍ଲାର ଚାଷୀ ବର୍ଷତମାମ କିଛି ନା କିଛି କାରଣରୁ ବାରମ୍ବାର ହଇରାଣ ହେଉଥିବାରୁ ସାଧାରଣରେ ଅସନ୍ତୋଷ ପ୍ରକାଶ ପାଇଛି ।
ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ
