ବୌଦ୍ଧ: ଜିଲ୍ଲାର ବିକାଶ ନେଇ କୌଣସି ସାଲିସ କରାଯିବ ନାହିଁ । ଶିକ୍ଷା, ସ୍ବାସ୍ଥ୍ୟ, ଗମନାଗମନ, ପାନୀୟ ଜଳ ଓ ଅନ୍ୟାନ୍ୟ ଆନୁଷଙ୍ଗିକ ବ୍ୟବସ୍ଥାକୁ ନେଇ ଲୋକଙ୍କ ନିକଟରେ ପହଞ୍ଚିବା ସହ ଦରକାର ପଡିଲେ ରାଜରାସ୍ତାକୁ ଓହ୍ଲାଇ ଆନ୍ଦୋଳନ କରାଯିବ ବୋଲି ବୌଦ୍ଧ ଜିଲ୍ଲା ବିଜେପିର ନୂତନ ସଭାପତି ବିପ୍ର ଚରଣ ମହାନ୍ତି କହିଛନ୍ତି ।
ବୌଦ୍ଧ ଜିଲ୍ଲାର ସାମଗ୍ରୀକ ବିକାଶ ନିମନ୍ତେ ଲୋକଙ୍କ ପାଖରେ ପହଞ୍ଚିବ ଜିଲ୍ଲା ବିଜେପି । ଜିଲ୍ଲା ବିଜେପିର ନୂଆ ମଙ୍ଗୁଆଳ ବିପ୍ର ଚରଣ ମହାନ୍ତି ବୁଧବାର ଏକ ସାମ୍ବାଦିକ ସମ୍ମିଳନୀରେ ଏ ପ୍ରକାର ସୂଚନା ଦେଇଛନ୍ତି । ବୌଦ୍ଧ ଜିଲ୍ଲାରେ ଦୁର୍ନୀତି ଓ ଦୁର୍ନୀତିଗ୍ରସ୍ତ ଅଧିକାରୀ, ଗୋଟିଏ ମଧ୍ୟ ସରକାରୀ ମହାବିଦ୍ୟାଳୟ ନଥିବା, ମହାନଦୀ କୂଳରେ ଥାଇ ପାନୀୟ ଜଳର ସଙ୍କଟ, ଯାତାୟାତ ପରି ସମସ୍ୟା ନେଇ ଲୋକଙ୍କ ମତାମତ ଗ୍ରହଣ କରିବ । ତେବେ ସର୍ବୋପରି କେନ୍ଦ୍ରାଞ୍ଚଳ ଓଡିଶାରେ ଥିବା ବୌଦ୍ଧ ଜିଲ୍ଲାରେ ମେଡ଼ିକାଲ କଲେଜ ସ୍ଥାପନ ପାଇଁ ଲୋକଙ୍କ ନିକଟରୁ ମତାମତ ଗ୍ରହଣ ସହିତ ଦରକାର ପଡିଲେ ରାଜରାସ୍ତାରେ ଆନ୍ଦୋଳନ କରିବାକୁ ପଛାଇବ ନାହିଁ ବୋଲି କହିଛନ୍ତି ।
ସମ୍ମିଳନୀରେ ବରିଷ୍ଠ ବିଜେପି ନେତା ସଚ୍ଚିଦାନନ୍ଦ ଦଲାଲ, କହ୍ନେଇ ଚରଣ ଡାଙ୍ଗ, ସୁଶାନ୍ତ କୁମାର ପ୍ରଧାନ, ସୂର୍ଯ୍ୟ ନାରାୟଣ ମହାପାତ୍ର ପ୍ରମୁଖ ଭାଗ ନେଇଥିଲେ ।
ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ
