ବୌଦ୍ଧ: ଜିଲ୍ଲାର ବିଭିନ୍ନ ସ୍ଥାନରେ ବାସ କରନ୍ତି ବେତେରା ନାମକ ସଂପ୍ରଦାୟ। ଏମାନେ ପୁରୁଷାନୁକ୍ରମେ ବାଉଁଶରୁ ପ୍ରସ୍ତୁତ ବିଭିନ୍ନ ସାମଗ୍ରୀ ତିଆରି କରି ପରିବାର ପ୍ରତିପୋଷଣ କରନ୍ତି । କିନ୍ତୁ ପରିବର୍ତ୍ତିତ ସମୟରେ ଏହି ବାଉଁଶର କାରିଗରମାନେ ଏବେ ଏହି କୌଳିକ ବୃତ୍ତିରୁ ମୁହଁ ଫେରାଇବା ଆରମ୍ଭ କଲେଣି । ହେଲେ ଆଜି ମଧ୍ୟ ଏମାନଙ୍କ ହାତ ତିଆରି ସାମଗ୍ରୀର ରହିଛି ଯଥେଷ୍ଟ ଚାହିଦା ।
ଭିଡିଓ ସୌଜନ୍ୟ: ପ୍ରତିନିଧି,ବୌଦ୍ଧ
ବାହାଘର, ବ୍ରତଘର ହେଉ କି କିମ୍ବା କୌଣସି ଶୁଭ କାର୍ଯ୍ୟ ହେଉ, ସବୁଠାରେ ବାଉଁଶ ତିଆରି କୁଲା, ଚାଙ୍ଗୁଡି, ଭୋଗା ଆଦିର ବ୍ୟବହାର ସୁନିଶ୍ଚିତ ହୋଇଥାଏ । ଏଣୁ ବିଶେଷତଃ ବାହାଘର ସମୟରେ ଏସବୁ ସାମଗ୍ରୀର ଯଥେଷ୍ଟ ଚାହିଦା ରହିଥାଏ । ଏହା ଛଡ଼ା ବାଉଁଶରୁ ପ୍ରସ୍ତୁତ କଣି, ଜାଲି, ଚାଲୁଣୀ, ଝାଡୁ ଆଦି ସାମଗ୍ରୀର ମଧ୍ୟ ବର୍ଷସାରା ଆବଶ୍ୟକତା ରହିଥାଏ ।
କିନ୍ତୁ ବର୍ତ୍ତମାନ ବାଉଁଶର ଦରବୃଦ୍ଧି ତଥା ସରକାରୀ ପ୍ରୋତ୍ସାହନ ଅଭାବରୁ ପରବର୍ତ୍ତୀ ପିଢି ଏହି ପୈତୃକ କଳା ପ୍ରତି ବିମୁଖ ହେଉଛନ୍ତି । ଏଣୁ ଏହି ବାଉଁଶ କାରିଗରଙ୍କୁ ସରକାରୀ ସହାୟତା ଯୋଗାଇଦେବାକୁ ଦାବି ହୋଇଛି ।
ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ
