ବୌଦ୍ଧ: ଜିଲ୍ଲା ରାଧାନଗର ପଞ୍ଚାୟତ ଅନ୍ତର୍ଗତ ରାଇପୁର ଗ୍ରାମର ଆଦିବାସୀ ବସ୍ତିର ଫୁଲ ବନକୀଙ୍କ ଚାଳଘରେ 15 ଦିନ ତଳେ ନିଆଁ ଲାଗି ସବୁକିଛି ପୋଡି ପାଉଁଶ ହୋଇଯାଇଥିଲା । ହେଲେ ଏବେ ଯାଏଁ କୌଣସି ସରକାରୀ ସହାୟତା ମିଳିନଥିବାରୁ ଡହଡହ ଖରାରେ ସିଝୁଛନ୍ତି ଗୋଟିଏ ପରିବାରର 4 ସଦସ୍ୟ ।
ଘର ପୋଡିକୁ ବିତିଲାଣି 15 ଦିନ, ଏଯାଏଁ ମିଳିନି ସରକାରୀ ସହୟତା
ଆବାସ ଯୋଜନାରେ ପକ୍କାଘର ମିଳିନଥିବାରୁ ଚାଳଘର ସାହା ଭରସା ଥିଲା । ଏବେ ସେତିକି ମଧ୍ୟ ପୋଡି ଯିବାରୁ ଉକ୍ତ ପରିବାରର ଚାରି ସଦସ୍ୟ ଡହଡହ ଖରାରେ ଶିଝୁଛନ୍ତି । ଖରାବେଳେ ବାଧ୍ୟ ହୋଇ ନିକଟସ୍ଥ ଗଛମୂଳେ ମଧ୍ୟ ଆଶ୍ରୟ ନେଉଛନ୍ତି ।
ସେପଟେ ଦୁଇ ଦୁଇ ଥର ନିଆଁଲାଗି ସର୍ବସ୍ବାନ୍ତ ହୋଇଥିବା ଏହି ପରିବାରକୁ ପଲିଥିନ ଖଣ୍ଡେ ମଧ୍ୟ ମିଳିପାରିନାହିଁ । ଏବେ ଏହି ଅସହାୟ ପରିବାର ସରକାରୀ ସହାୟତାକୁ ଅପେକ୍ଷା କରି ବସିଛନ୍ତି ।
ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ
