ବୌଦ୍ଧ : ବଜ୍ର କ୍ଷେତ୍ରରେ ଶ୍ରୀଜଗନ୍ନାଥଙ୍କ ତୁଳସୀ ରଥକୁ ଭବ୍ୟ ସ୍ବାଗତ କରାଯାଇଛି । ଶନିବାର ସୋନପୁର ଜିଲ୍ଲା ବିନିକାରୁ ସ୍ବତନ୍ତ୍ର ତୁଳସୀ ରଥ ଶ୍ରୀକ୍ଷେତ୍ର ପୁରୀ ଅଭିମୁଖେ ବାହାରିଥିଲା । ଆଜି (ରବିବାର) ଏହି ପବିତ୍ର ରଥ ବୌଦ୍ଧ ଜିଲ୍ଲାରେ ପହଞ୍ଚିବା ପରେ ଜିଲ୍ଲାର ବିଭିନ୍ନ ସ୍ଥାନରେ ଭକ୍ତ ଓ ଶ୍ରଦ୍ଧାଳୁ ଏହି ରଥକୁ ଭବ୍ୟ ସ୍ବାଗତ କରିଥିଲେ ।
ତୁଳସୀ ରଥକୁ ଭବ୍ୟ ସ୍ବାଗତ କଲେ ବୌଦ୍ଧବାସୀ
ଜିଲ୍ଲାର ମନମୁଣ୍ଡା, ବାଉଁଶୁଣୀ, ସାହାଜପାଲ, ବୌଦ୍ଧ ସହର, ସରସରା, ବାମଣ୍ଡା,ବୀରନରସିଂପୁର, ପୁରୁଣାକଟକ ଓ ଚାରିଛକ ପ୍ରମୁଖ ସ୍ଥାନରେ ଶ୍ରଦ୍ଧାଳୁମାନେ ତୁଳସୀ ରଥକୁ ସ୍ବାଗତ କରିଥିଲେ । ଏହା ସହିତ ଶ୍ରୀଜଗନ୍ନାଥଙ୍କ ଉଦ୍ଦେଶ୍ୟରେ ତୁଳସୀ ଅର୍ପଣ କରିଥିଲେ । ପ୍ରତ୍ୟେକ ଗାଁ ଓ ବସ୍ତିରେ ଶ୍ରୀଜଗନ୍ନାଥ ଶ୍ରଦ୍ଧାଳୁ ଖିର,ଦୀପ,ଧୂପ ପ୍ରଦାନ ପୂର୍ବକ ତୁଳସୀ ରଥକୁ ପୂଜାର୍ଚ୍ଚନା ମଧ୍ୟ କରିଥିଲେ । ପୁରୀ ଯାତ୍ରା କରୁଥିବା ଭକ୍ତ ମଣ୍ଡଳୀକୁ ଭବ୍ୟ ସ୍ବାଗତ ମଧ୍ୟ କରିଥିଲେ ।
ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ
