ବୌଦ୍ଧ: ମହାବିଦ୍ୟାଳୟର ୪୨ ବର୍ଷ ପ୍ରତିଷ୍ଠା ଦିବସରେ କଲେଜରେ ନାନା ସମସ୍ୟା ନେଇ ପ୍ରଶ୍ନ ଉଠାଇଲେ ଛାତ୍ରଛାତ୍ରୀ । ବୌଦ୍ଧ ଜିଲ୍ଲାର ସର୍ବପୁରାତନ ବୌଦ୍ଧ ପଞ୍ଚାୟତ ମହାବିଦ୍ୟାଳୟରେ ଛାତ୍ରଛାତ୍ରୀଙ୍କ ଏଭଳି ଅଭିଯୋଗ ପରେ କଲେଜର ଅଧ୍ୟକ୍ଷ ଏହାକୁ ସ୍ବୀକାର କରିବା ସହ ଅତିଶୀଘ୍ର ସମାଧାନ ହେବ ବୋଲି କହିଛନ୍ତି ।
୧୯୭୮ ମସିହାରେ ବୌଦ୍ଧ ଜିଲ୍ଲାର ସର୍ବପୁରାତନ ମହାବିଦ୍ୟାଳୟ ସ୍ଥାପିତ ହୋଇଥିଲେ ମଧ୍ୟ ଏଯାଁଏ ଏହାକୁ ସରକାରୀ ମାନ୍ୟତା ମିଳିନାହିଁ । ଏହାଛଡା ନାନା ସମସ୍ୟା ଲାଗି ରହିଥିବାରୁ ଏହାକୁ ନେଇ ପ୍ରଶ୍ନ ଉଠାଇଛନ୍ତି ଛାତ୍ରଛାତ୍ରୀ । ପରିସ୍ଥିତି ଏପରି ଯେ, ଖୋଦ ଶିକ୍ଷାନୁଷ୍ଠାନର ଅଫିସ ଗୃହ ଏହାର ଛାତ୍ରୀ ନିବାସରେ କାର୍ଯ୍ୟ କରୁଛି । ଏହାଛଡ଼ା ଏହାର ଲାଇବ୍ରେରୀ, ଶୌଚାଳୟ, ସାଇକେଲ ଷ୍ଟାଣ୍ଡ, ପାନୀୟ ଜଳ, ରିଡିଂରୁମ ଭଳି ଅନେକ ସମସ୍ୟା ରହିଥିବା ଅଭିଯୋଗ କରିଛନ୍ତି ଛାତ୍ରଛାତ୍ରୀ ।
ମହାବିଦ୍ୟାଳୟର ଏହି ପ୍ରତିଷ୍ଠା ଦିବସରେ ମୁଖ୍ୟ ଅତିଥି ରୂପେ ଜିଲ୍ଲାପାଳ ଲଲାଟେନ୍ଦୁ ମିଶ୍ର ଓ ସମ୍ମାନିତ ଅତିଥି ରୂପେ ଅତିରିକ୍ତ ଜିଲ୍ଲାପାଳ ରମାକାନ୍ତ ସେଠୀ ଯୋଗଦେଇ ଦେଇ ଛାତ୍ରଛାତ୍ରୀଙ୍କୁ ଉତ୍ସାହିତ କରିଥିଲେ । ଅନ୍ୟପଟେ କିନ୍ତୁ ମହାବିଦ୍ୟାଳୟରେ ଅନେକ ସମସ୍ୟା ଲାଗିରହିଛି ।
ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ
