ବୌଦ୍ଧ: ଆଦିବାସୀ ଅଧ୍ୟୁଷିତ ଗାଁରେ ଦୀର୍ଘ 5ବର୍ଷରୁ ଉର୍ଦ୍ଧ୍ବ ହେଲା ଧୋଇଯାଇଛି 2ଟି ପୋଲ । ଫଳରେ ସାଧାରଣ ଯାତାୟତ ନିମନ୍ତେ ଲୋକେ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି ।
ଭିଡିଓ ସୌଜନ୍ୟ: ପ୍ରତିନିଧି, ବୌଦ୍ଧ
ପଞ୍ଚାୟତକୁ ଯିବାକୁ ହେଲେ ଗ୍ରାମବାସୀମାନେ ଜଙ୍ଗଲ ଦେଇ ଯାତାୟତା କରୁଥିବା ଅଭିଯୋଗ ହୋଇଛି । ଖଳିସାହିର ପତକାବାଲି ଓ ତଳଗାଁ କୁ ସଂଯୋଗ କରୁଥିବା ରାସ୍ତା ରେ ଥିବା ପୋଲର ଭାଙ୍ଗି ଯିବା ସହ ଯାତାୟତରେ ବ୍ୟାଘାତ ସୃଷ୍ଟି ହୋଇଛି । ଏପଟେ ଆଦିବାସୀ ଅଧ୍ୟୁଷିତ ତଥା ଏକ ଉପାନ୍ତ ଗ୍ରାମ ହୋଇ ଥିବାରୁ ଏହି ରାସ୍ତା ପ୍ରତି କେହି ଧ୍ୟାନ ଦେଉନଥିବା ଚର୍ଚ୍ଚା ହେଉଛି । ତୁରନ୍ତ ଏହି ପୋଲ 2ଟିକୁ ନିର୍ମାଣ କରିବାକୁ ଗ୍ରାମବାସୀ ଦାବୀ କରିଛନ୍ତି ।
ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ
