ବୌଦ୍ଧ: ଗାଡି ଡିକି ତାଡି ଲୁଟିନେଲେ ଲକ୍ଷାଧିକ ଟଙ୍କା ଲୁଟ । ବୌଦ୍ଧ ଜିଲ୍ଲା ବନ୍ଧାପଥର ପଞ୍ଚାୟତ ଗୁଦୁରାବେଣୀ ଗ୍ରାମର ଜଣେ ବ୍ୟକ୍ତି ବ୍ୟାଙ୍କରୁ ଟଙ୍କା ଉଠାଇ ଫେରୁଥିବା ବେଳେ ଲୁଟର ଶିକାର ହୋଇଛନ୍ତି ।
ବାଇକ ଡିକିରୁ ଲକ୍ଷେ ଟଙ୍କା ଲୁଟିନେଲେ ଦୁର୍ବୃତ୍ତ
ସୂଚନାଅନୁସାରେ, ଜିଲ୍ଲା ବନ୍ଧାପଥର ପଞ୍ଚାୟତ ଗୁଦୁରାବେଣୀ ଗ୍ରାମର ସନ୍ତୋଷ ପ୍ରଧାନ ଓ ତାଙ୍କ ମାମୁଁ ଏନଏସି ବ୍ୟାଙ୍କରୁ ଟଙ୍କା ଉଠାଉ ଫେରୁଥିଲେ । ଫେରିବା ସମୟରେ ବାଟରେ ଲସି ପିଇବାକୁ ଗୋଟିଏ ଲସି ଦୋକାନ ପାଖରେ ଅଟକି ଥିଲେ । ବିଲେଇ ମୁଣ୍ଡରେ ଶିକା ଛିଡିଲା ଭଳି ଦୁର୍ବୃତ୍ତଙ୍କୁ ମଧ୍ୟ ସୁଯୋଗ ମିଳିଗଲା ।
ସେହି ସୁଯୋଗକୁ ନେଇ ତାଙ୍କୁ ପିଛା କରି ଆସୁଥିବା ଦୁର୍ବୃତ୍ତମାନେ ବାଇକ ଡିକି ତାଡି ଲକ୍ଷାଧିକ ଟଙ୍କା ଲୁଟି ନେଇ ଚମ୍ପଟ ମାରିଛନ୍ତି । ଗାଡିରେ ଟଙ୍କା ସହିତ ଅନ୍ୟାନ୍ୟ ଗୁରୁତ୍ବପୂର୍ଣ୍ଣ କାଗଜପତ୍ର ମଧ୍ୟ ଥିଲା । ଏ ନେଇ ଥାନାରେ ଅଭିଯୋଗ ହେବା ପରେ ପୋଲିସ ଘଟଣାର ତଦନ୍ତ ଆରମ୍ଭ କରିଛି ।
ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ
