ଭଦ୍ରକ: ପୂର୍ବ ଶତ୍ରୁତାକୁ କେନ୍ଦ୍ରକରି ଯୁବକଙ୍କୁ ମରଣାତ୍ମକ ଆକ୍ରମଣ। ଏହିପରି ଘଟଣା ଘଟିଛି ଭଦ୍ରକ ଟାଉନ ଥାନା ଅଧିନସ୍ଥ ବାଗୁରାଇ ଠାରେ। ମରଣାତ୍ମକ ଆକ୍ରମଣର ଶିକାର ହେଇଥିବା ଯୁବକ ଜଣକ ହେଲେ ଭଦ୍ରକ ଗ୍ରାମାଞ୍ଚଳ ଥାନା ଅନ୍ତର୍ଗତ ବାଉଦପୁର ଗ୍ରାମର ଅପରେସ ଜେନା।
ଅପରେସ ବାଗୁରାଉ ବଜ଼ାରରୁ ନିଜ ଘର ବାଉଦପୁରକୁ ଯାଉଥିବା ବେଳେ, ପୂର୍ବରୁ ଛକି ରହିଥିବା ବାଉଦପୁର ଗ୍ରାମର ବାବୁରାମ ଜେନା ତାଙ୍କୁ ଭୁଜାଲି ରେ ଅତର୍କିତ ଭାବେ ମାରଣତ୍ମକ ଆକ୍ରମଣ କରିଥିଲା। ରକ୍ତ ଜୁଡୁବୁଡୁ ଅବସ୍ଥାରେ ତଳେ ପଡ଼ିଥିବା ଅପରେସ ଜେନାଙ୍କୁ ସ୍ଥାନୀୟ ଲୋକ ମାନେ ଉଦ୍ଧାର କରି ଭଦ୍ରକ ମେଡିକାଲରେ ଭର୍ତି କରିଥିଲେ। ତାଙ୍କ ଅବସ୍ଥା ସଙ୍କଟାପନ୍ନ ହେବାରୁ ତାଙ୍କୁ କଟକ ମେଡିକାଲ କୁ ସ୍ଥାନାନ୍ତରିତ କରାଯାଇଛି।
ମରଣାତ୍ମକ ଆକ୍ରମଣର ଶିକାର ଅପରେସ ଜେନାଙ୍କ ମୁଣ୍ଡ, ହାତ, ପିଠି ରେ ଗଭୀର କ୍ଷତ ଚି଼ହ୍ନ ଥିବାର ଦେଖିବାକୁ ମିଳିଛି। ଘଟଣା ସ୍ଥଳରେ ଭଦ୍ରକ ଟାଉନ ଥାନା ପୋଲିସ ପହଂଚି ତଦନ୍ତ ଆରମ୍ଭ କରିଛି। ତେବେ ଏହି ଘଟଣା ପରେ ଅଭିଯୁକ୍ତ ବାବୁରାମ ଘଟଣା ସ୍ଥଳରୁ ଫେରାର ହୋଇଯାଇଛି।
ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ
