ଭଦ୍ରକ : ଘର ଭିତରୁ ମହିଳାଙ୍କ ଝୁଲନ୍ତା ମୃତଦେହ ଉଦ୍ଧାର । ମହିଳାଙ୍କ ଝୁଲନ୍ତା ମୃତଦେହ ଉଦ୍ଧାର ପରେ ପରିବାର ଲୋକେ ଆତ୍ମହତ୍ୟା ନୁହେଁ ତାଙ୍କୁ ହତ୍ୟା କରାଯାଇଛି ବୋଲି ଅଭିଯୋଗ କରିଛନ୍ତି । ଘଟଣା ସ୍ଥଳରେ ପୋଲିସ ପହଞ୍ଚିଛି ମୃତଦେହ ଜବତ କରିଛି ।
ଘରଭିତରୁ ମହିଳାଙ୍କ ଝୁଲନ୍ତା ମୃତ ଦେହ ଉଦ୍ଧାର
ସୂଚନା ଅନୁଯାୟୀ ଭଦ୍ରକ ଜିଲ୍ଲା ତିହିଡି ଥାନା ଜାମଯୋଡି ପଞ୍ଚାୟତ ଅନ୍ତର୍ଗତ ନୀଳକଣ୍ଠପୁର ଗାଁର ପଙ୍କଜ ରାଉତଙ୍କ ସହିତ ବୋଡକ ପଞ୍ଚାୟତ ଓରାଳି ଗାଁର ରତ୍ନାକର ସ୍ବାଇଁଙ୍କ ଝିଅ କାଦମ୍ବିନୀ ସ୍ବାଇଁଙ୍କର ୨୦୧୯ ମସିହା ଆଷାଢ ମାସରେ ବିବାହ ହୋଇଥିଲା । ପଙ୍କଜ ଦୁବାଇରେ କାମ କରନ୍ତି । ବିବାହର ମାତ୍ର ମାସେ ନପୁରୁଣ ଦୁବାଇ ଚାଲିଯାଇଥିଲେ । ସ୍ବାମୀ ଯିବା ପରେ ଶାଶୁଘର ଲୋକେ ତାଙ୍କୁ ବିଭିନ୍ନ ନିର୍ଯାତନା ଦେଉଥିବା ନେଇ ବାପା ଘର କହିଛନ୍ତି । ଏନେଇ ଖବର ପାଇ ଘଟଣାସ୍ଥଳରେ ପୁଲିସ ପହଞ୍ଚି ମୃତ ଦେହକୁ ଉଦ୍ଧାର କରିବା ସହ ଅଧିକ ତଦନ୍ତ ଜାରି ରଖିଛି ।
ଭଦ୍ରକରୁ ଦେବାଶିଷ ମହାପାତ୍ର,ଇଟିଭି ଭାରତ
