ଭଦ୍ରକ: ବିଦ୍ୟୁତ ଆଘାତରେ ଜଣେ ମହିଳାଙ୍କ ମୃତ୍ୟୁ ଘଟିଛି । ଏପରି ଅଘଟଣ ଘଟିଛି ଭଦ୍ରକ ବାସୁଦେବପୁର ବ୍ଲକ ଗୋପବନ୍ଧୁ ନଗର ପଞ୍ଚାୟତ ବିଦେଇପୁର ପାଳ ଗାଁରେ। ମୃତ ମହିଳା ଜଣଙ୍କ ଉକ୍ତ ଗ୍ରାମର କର୍ମଚାନ୍ଦ ସେନାପତିଙ୍କ ପତ୍ନୀ କଳ୍ପନା ସେନାପତି।
ଭିଡିଓ ସୌଜନ୍ୟ: ସମ୍ବାଦଦାତା, ଭଦ୍ରକ
ବୁଧବାର କଳ୍ପନା ନିଜ ବାଡ଼ିରେ କାମ କରୁଥିବାବେଳେ ବାଡ଼ିରେ ଥିବା ବିଦ୍ୟୁତ ଖୁଣ୍ଟକୁ ଧରି ପକାଇଥିଲେ। ଦୁଃଭାଗ୍ୟବଶତଃ ବିଦ୍ୟୁତ ଖୁଣ୍ଟଟି କୌଣସି କାରଣରୁ ଚାର୍ଜ ହେଇଯାଇଥିବାରୁ କଳ୍ପନା ବିଦ୍ୟୁତ ସଂସ୍ପର୍ଶରେ ଆସି ଘଟଣାସ୍ଥଳରେ ସଂଜ୍ଞାହୀନ ହୋଇ ତଳେ ପଡ଼ିଯାଇଥିଲେ। ଏହା ପରେ ପରିବାର ଲୋକ ତାଙ୍କୁ ବାସୁଦେବପୁର ମେଡିକାଲକୁ ଆଣିଥିଲେ। ମାତ୍ର ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ।
ଭଦ୍ରକରୁ ଦେବାଶିଷ୍ ମହାପାତ୍ର, ଇଟିଭି ଭାରତ
