ଭଦ୍ରକ: ରାସ୍ତା ମଝିରେ ଜଳି ଉଠିଲା ପିକଅପ ଭ୍ୟାନ । 16 ନଂ ଜାତୀୟ ରାଜପଥ ନଳାଙ୍ଗ ଛକ ନିକଟରେ ଦୁର୍ଘଟଣା ଘଟିଥିବା ବେଳେ ଅଳ୍ପକେ ବର୍ତ୍ତି ଯାଇଛନ୍ତି ଡ୍ରାଇଭର ।
ଭିଡିଓ ସୌଜନ୍ୟ: ସମ୍ବାଦଦାତା, ଭଦ୍ରକ
ସୂଚନାଯୋଗ୍ୟ, ଗତ ଗୁରୁବାର ନଳାଙ୍ଗ ଛକସ୍ଥିତ ଏକ ଗୋଦାମରୁ ପିକଅପ ଭ୍ୟାନଟି ମୃଦୁ ପାନୀୟ ନେଇ ଭଦ୍ରକ ଯାଉଥିଲା । ତେବେ କୌଣସି କାରଣରୁ ହଠାତ ଗାଡିଟିରେ ନିଆଁ ଲାଗିଥିଲା । ଗାଡିରେ ନିଆଁ ଲାଗିଥିବା ଜାଣି ଡ୍ରାଇଭର ଜଣକ ଓହ୍ଲାଇ ପଡିଥିବା ବେଳେ ଦୁର୍ଘଟଣାରୁ ବର୍ତ୍ତି ଯାଇଛନ୍ତି ।
ସେପଟେ, ଘଟଣାବିଷୟରେ ଭଣ୍ଡାରପୋଖରୀ ଅଗ୍ନିଶମ ବାହିନୀ ଖବର ପାଇବା ପରେ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଥିଲେ ।
ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ
