ଭଦ୍ରକ: ପ୍ରଥମ ପର୍ଯ୍ୟାୟ ପଞ୍ଚାୟତ ନିର୍ବାଚନ 16 ତାରିଖରେ ହେବାକୁ ଥିବାବେଳେ ଭଦ୍ରକ ଜିଲ୍ଲାର ବ୍ଲକର 4ଟି ଜୋନରେ ଭୋଟ ଗ୍ରହଣ ହେବ । ଏଣୁ ରାଜନୈତିକ ପାଣିପାଗ ବେଶ୍ ସରଗରମ୍ ରହିଛି । ସେହିପରି ଶେଷ ପର୍ଯ୍ୟାୟ ପ୍ରଚାର ପାଇଁ ସିନେ ତାରକା ନିର୍ବାଚନ ପ୍ରଚାର ମୈଦାନରେ ଦେଖିବାକୁ ମିଳୁଛି ।
Panchayat Poll: ପ୍ରଚାର ମୈଦାନରେ ବର୍ଷା ପ୍ରିୟଦର୍ଶିନୀ
ଏହି କ୍ରମରେ ଆଜି ବ୍ରହ୍ମପୁର ଗ୍ରାମ ପଞ୍ଚାୟତ ସମେତ ବିଭିନ୍ନ ପଞ୍ଚାୟତରେ ଶାସକ ବିଜୁ ଜନତା ଦଳର ପ୍ରାର୍ଥୀଙ୍କ ସପକ୍ଷରେ ଓଡିଆ ସିନେ ତାରକା ବର୍ଷା ପ୍ରିୟଦର୍ଶିନୀ ନିର୍ବାଚନୀ ପ୍ରଚାର କରିଛନ୍ତି । ବର୍ଷାଙ୍କ ସହ ବିଜେଡିର ନାରୀନେତ୍ରୀ ଦେବହୂତି ମହାପାତ୍ର ଏକ ବିଶାଳ ମୋଟର ସାଇକେଲ ଶୋଭାଯାତ୍ରାରେ ଯାଇ ଦଳୀୟ ପ୍ରାର୍ଥୀ ଏବଂ ସମର୍ଥିତ ପ୍ରାର୍ଥୀଙ୍କୁ ବିଜୟ କରିବା ପାଇଁ ଭୋଟ ଭିକ୍ଷା କରିଛନ୍ତି ।
ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ
