ଭଦ୍ରକ: ଜିଲ୍ଲାରେ ଗୋଟିଏ ଦିନରେ ପୃଥକ ପୃଥକ ଦୁର୍ଘଟଣା ଘଟି 2 ଜଣଙ୍କର ମୃତ୍ୟୁ ହୋଇଛି । ଚାନ୍ଦବାଲି ଅନ୍ତର୍ଗତ ଧାମରା-ବାସୁଦେବପୁର ମୁଖ୍ୟ ରାସ୍ତା ରାମଛକ ଠାରେ ମର୍ମଦୁନ୍ତ ସଡ଼କ ଦୁର୍ଘଟଣାରେ ଜଣେ ସାଇକେଲ ଆରୋହୀଙ୍କ ମୃତ୍ୟୁ ଘଟିଛି । ଏକ ହାଇୱା ତାଙ୍କୁ ଧକ୍କା ଦେବାରୁ ମଟର ସାଇକେଲ ଚାଳକଙ୍କର ଘଟଣାସ୍ଥଳରେ ମୃତ୍ୟୁ ଘଟିଛି l ମୃତକ ଜଣକ ଘଣ୍ଟେଶ୍ଵର ଗୋପିନାଥପୁର ପଞ୍ଚାୟତ କେଶରପୁର ଅଞ୍ଚଳର ବୋଲି ଜଣାପଡିଛି l ମୃତକ ଜଣଙ୍କ ଘଣ୍ଟେଶ୍ଵରରୁ ଯାଇ ଧାମରା ଅଞ୍ଚଳରେ ରହି ପିକଅପ ଚଳାଉ ଥିବା ସୂଚନା ମିଳିଛି ।
ପୃଥକ ପୃଥକ ସଡକ ଦୁର୍ଘଟଣାରେ 2 ଜଣ ମୃତ
ସେହିପରି ଅନ୍ୟ ଏକ ଦୁର୍ଘଟଣା ଚାନ୍ଦବାଲି-ଭଦ୍ରକ ମୁଖ୍ୟରାସ୍ତା ଦିଗଛିଆରେ ଘଟିଛି । ଆଳୁ ବୋଝେଇ ଗାଡ଼ି ଧକ୍କା ଦେବା ଫଳରେ ଜଣେ ଶ୍ରମିକଙ୍କର ମୃତ୍ୟୁ ହୋଇଛି । ମୃତକ ହେଉଛନ୍ତି ମଦନମୋହନ ରାଉଳ ତାଙ୍କ ଘର ଚାନ୍ଦବାଲି ବ୍ଲକ ହାଟପଡା ପଞ୍ଚାୟତ ଅଧିନ ଗୋପାଳବିନ୍ଧା ବୋଲି ଜଣାପଡିଛି। ସେ ଶ୍ରମିକ ଭାବେ କାର୍ଯ୍ୟ କରୁଥିଲେ ।
ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ
