ଭଦ୍ରକ: ଆଜି(ଶୁକ୍ରବାର) କାଳବୈଶାଖୀ ପ୍ରଭାବରେ ଭଦ୍ରକରେ ବିଜୁଳି ଘଡ଼ଘଡ଼ି ସହ ଅତ୍ୟଧିକ ବେଗରେ ପବନ ଓ ପ୍ରବଳ ବର୍ଷା ହୋଇଥିଲା । ଅପରାହ୍ନ ସମୟରେ ଆକାଶରେ କଳା ବାଦଲ ଘୋଟିଆସିବା ପରେ ବିଜୁଳି ଓ ଘଡଘଡି ସହ ପ୍ରବଳ ପବନ ବୋହିଥିଲା ।
ପବନ ସହ ପ୍ରବଳ ବର୍ଷା, ବିଦ୍ୟୁତ ସେବା ବ୍ୟାହତ
ପରେ ପ୍ରାୟ ଏକ ଘଣ୍ଟାରୁ ଉର୍ଦ୍ଧ୍ବ ସମୟ ଧରି ପ୍ରବଳ ବର୍ଷା ଜାରି ରହିଥିଲା । କାଳବୈଶାଖୀ ବର୍ଷା ହେବା ଯୋଗୁଁ ଗରମରୁ ସାମାନ୍ୟ ଆଶ୍ବସ୍ତି ମିଳିଛି ସତ ହେଲେ ବିଦ୍ୟୁତ ସରବରାହ ବ୍ୟାହତ ହେବା ଯୋଗୁଁ ଜାରି ରହିଥିବା ଲକଡାଉନ ଯୋଗୁଁ ଘରେ ଥିବା ସମୟରେ ଲୋକମାନଙ୍କ ଜୀବନ ଏକ ପ୍ରକାର ଅସ୍ତବ୍ୟସ୍ତ ହୋଇଯାଇଛି ।
ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ
