ଭଦ୍ରକ: ଭଣ୍ଡାରୀପୋଖରୀ ଥାନା ଡାହାଲା ଗାଁରୁ 3ଟି ନାଗ ସାପ ସହିତ 56 ଅଣ୍ଡା ଉଦ୍ଧାର ହୋଇଛି । ସୂଚନା ଅନୁଯାୟୀ ସୂର୍ଯ୍ୟମଣି ରାଉତଙ୍କ ଘର ନିକଟ କାଠଭାଡିରୁ ଏହି ସାପ ଅଣ୍ଡା ଏବଂ ସାପକୁ ଉଦ୍ଧାର କରିଛନ୍ତି ଆସିଫ ଅଲି ମିର୍ଜା ।
ଭିଡ଼ିଓ ସୌଜନ୍ଯ: ସମ୍ବାଦଦତା,ଭଦ୍ରକ
ଘର ଲୋକେ ଭାଡିରୁ କାଠ କାଢୁଥିବା ବେଳେ ସାପ ଦେଖିଥିଲେ । ପରେ ଏନେଇ ସାପ ଧରାଳି ଆସିଫ ଅଲି ମିର୍ଜାକୁ ସୂଚନା ଦିଆଯାଇଥିଲା । ସୂଚନା ପାଇ ଆସିଫ ଅଲି ମିର୍ଜା କାଠଭାଡିରୁ ଦୁଇଟି ନାଗ ଏବଂ ନାଗୁଣୀକୁ ଧରିଥିଲେ । ପରେ ଭାଡ଼ି ଭିତରେ ଥିବା 56ଟି ନାଗ ଅଣ୍ଡାକୁ ମଧ୍ୟ ଉଦ୍ଧାର କରିଛନ୍ତି ।
ସେହିପରି ଉତ୍ତରବାଡ ଗାଁରୁ ମଧ୍ୟ ଗୋଟିଏ ସାପ ମିଳିଥିବା ସୂଚନା ମିଳିଛି । ପରେ ସାପ ଏବଂ ଅଣ୍ଡା ଗୁଡିକୁ ବନବିଭାଗକୁ ହସ୍ତାନ୍ତର କରାଯିବ ବୋଲି ମିର୍ଜା ଆରିଫ୍ ସୂଚନା ଦେଇଛନ୍ତି । ଭଦ୍ରକ ଜିଲ୍ଲାର ଧାମନଗର ଓ ଭଣ୍ଡାରିପୋଖରୀ କିଠି ଦିନ ହେବ ଏବେ ସାପର ଆତଙ୍କ ଦେଖିବାକୁ ମିଳୁଛି ।
ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ
