ଭଦ୍ରକ: ଚୋରି କରିବା ପଡିଲା ମହଙ୍ଗା । ଚପଲରେ ନିର୍ଧୁମ ଛେଚା ଖାଇଲା ଚୋର । କେବଳ ଏତିକି ନୁହେଁ ଚୋରକୁ ଜୋତାମାଳ ମଧ୍ୟ ପିନ୍ଧାଇଛନ୍ତି ଲୋକେ । ଏଭଳି ଘଟଣା ଘଟିଛି ଭଦ୍ରକ ଗ୍ରାମାଞ୍ଚଳ ଥାନା ଅର୍ଣ୍ଣପାଳ ବିଷ୍ଣୁପୁର ମଧୁସୂଦନପୁର ଗ୍ରାମରେ ।
ଚୋରକୁ ନିସ୍ତୁକ ମାଡ
ଖବର ଅନୁଯାୟୀ ଗ୍ରାମର ଜଣଙ୍କ ଘରେ ଚୋର ଚୋରି କରିବା ଆରମ୍ଭ କରିଥିଲା। ଏହି ସମୟରେ ଘଟଣାଟି ପରିବାର ଲୋକେ ଜାଣିପାରି ତାକୁ କାବୁ କରିବା ସହ ଗ୍ରାମବାସୀଙ୍କୁ ଅବଗତ କରାଇଥିଲେ। ପରେ ଗ୍ରାମବାସୀ ଏକଜୁଟ ହୋଇ ଚୋରକୁ ଚପଲରେ ନିର୍ଧୁମ ଛେଚିବା ସହ ଜୋତାମାଳ ପିନ୍ଧାଇଥିଲେ । ଖବର ପାଇ ଭଦ୍ରକ ଗ୍ରାମାଞ୍ଚଳ ଥାନା ପୋଲିସ ଘଟଣାସ୍ଥଳରେ ପହଞ୍ଚି ସମ୍ପୃକ୍ତ ଯୁବକକୁ ଥାନାକୁ ଆଣି ଅଧିକ ତଦନ୍ତ କରୁଛି।
ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ
