ଭଦ୍ରକ: ଗ୍ୟାସ ଲିକରୁ ଅଗ୍ନିକାଣ୍ଡ ଘଟି ଜଳିଗଲା ଘର । ଏପରି ଅଭାବନୀୟ ଘଟଣା ଘଟିଛି ଭଦ୍ରକ ଜିଲ୍ଲା ବାସୁଦେବପୁର ପୌରପାଳିକା 11 ନମ୍ବର ୱାର୍ଡରେ । ପରିବାର ଲୋକ ରୋଷେଇ କରିବା ପାଇଁ ଗ୍ୟାସରେ ଅଗ୍ନି ସଂଯୋଗ କରିବା ପରେ ହଠାତ ଗ୍ୟାସ ଟାଙ୍କିରେ ନିଆଁ ଲାଗି ଯାଇଥିଲା ।
ଗ୍ୟାସ ଲିକରୁ ଅଗ୍ନିକାଣ୍ଡ ଘଟି ଜଳିଗଲା ଘର
ସଙ୍ଗେ ସଙ୍ଗେ ନିଆଁ ଘରକୁ ବ୍ୟାପି ଯାଇଥିଲା । ପରିବାର ଲୋକ ପ୍ରାଣ ବିକଳରେ ବାହାରକୁ ଦୌଡି ପଳାଇ ଆସିଥିଲେ । ଖବର ପାଇ ବାସୁଦେବପୁର ଦମକଳ ବାହିନୀ ପହଞ୍ଚି ନିଆଁକୁ ଆୟତ୍ତ କରିବା ବେଳକୁ ଘରର ସମସ୍ତ ଜିନିଷପତ୍ର ପୋଡି ଯାଇଥିଲା । ଅନ୍ୟପଟେ ପରିବାର ଲୋକେ ସୁରକ୍ଷିତ ଅଛନ୍ତି ।
ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ
