ଭଦ୍ରକ: ନର୍ସିଂହୋମ ଛାତରୁ ପଡି ସୁଇପର ମୃତ । ଭଦ୍ରକ ଜିଲ୍ଲା ଟାଉନ ଥାନା ଅଞ୍ଚଳରେ ଘଟିଛି ଏଭଳି ଦୁଃଖଦ ଘଟଣା । ମୃତକ ହେଲେ ବାଲେଶ୍ବର ଜିଲ୍ଲା ଏକାଦୋଳୀ ଅଞ୍ଚଳର ମହେଶ୍ବର ଦାସ ।
ଭିଡିଓ ସୌଜନ୍ୟ: ସମ୍ବାଦଦାତା, ଭଦ୍ରକ
ସୂଚନା ଅନୁଯାୟୀ, ମହେଶ୍ବର ଦୀର୍ଘ ଦିନ ହେଲାଣି ଗାନ୍ଧୀ ପଡିଆ ଅଞ୍ଚଳରେ ଥିବା ପାଢୀ ନର୍ସିଂହୋମରେ ସୁଇପର ଭାବେ କାର୍ଯ୍ୟ କରୁଥିଲେ । ସବୁଦିନ ଭଳି ଆଜି ମଧ୍ୟ କାମ କରିବାକୁ ଯାଇଥିଲେ । ହେଲେ ନର୍ସିଂହୋମର ତୃତୀୟ ମହଲା ଛାତରୁ ଖସି ପଡିବାରୁ ତାଙ୍କର ମୃତ୍ୟୁ ଘଟିଛି ।
ଅନ୍ୟପଟେ ମହେଶ୍ବରର ପରିବାର ଲୋକେ ତାଙ୍କୁ ଛାତ ଉପରୁ ଠେଲି ଦିଆଯାଇଥିବା ଅଭିଯୋଗ କରିଛନ୍ତି । ଏନେଇ ଟାଉନ ଥାନାରେ ଲିଖିତ ଅଭିଯୋଗ କରାଯାଇଛି । ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଜାରି ରଖିଛି ।
ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ
