ଭଦ୍ରକ: ପୁଣି ନାଗ ସାପ ଆତଙ୍କ। ଧାମନଗର ଥାନା ଖଡିପଦା ପଞ୍ଚାୟତ ଦକ୍ଷିଣ କୁରୁଆ ଗାଁର ରାମ ଦାସଙ୍କ ଘରୁ କୋଡ଼ିଏରୁ ଉର୍ଦ୍ଧ୍ଵ ନାଗ ସାପ ସହ ପଚିଶଟି ଅଣ୍ଡା ଉଦ୍ଧାର ହୋଇଛି।
ଭିଡିଓ ସୌଜନ୍ୟ: ସମ୍ବାଦଦାତା, ଭଦ୍ରକ
ସୂଚନାନୁଯାୟୀ, ପରିବାର ଲୋକେ ଘର ଭିତରେ ଗୋଟିଏ ନାଗ ସାପ ଖେଳୁଥିବା ଦେଖି ଆତଙ୍କିତ ହୋଇ ଯାଇଥିଲେ । ଏନେଇ ସ୍ନେକ ହେଲ୍ପ ଲାଇନକୁ ଯୋଗାଯୋଗ କରିଥିଲେ । ସୂଚନା ପାଇ ହେଲପ ଲାଇନ ଘଟଣାସ୍ଥଳରେ ପହଞ୍ଚି ରାମ ଦାସଙ୍କ ଘରୁ କୋଡ଼ିଏରୁ ଉର୍ଦ୍ଧ୍ଵ ନାଗ ସାପ ସହ 25ଟି ଅଣ୍ଡା ଉଦ୍ଧାର କରିଥିଲେ ।
ତେବେ ଅଣ୍ଡା ମଧ୍ୟରୁ ଛଅଟି ଅଣ୍ଡା ଜୀବନ୍ତ ଥିବା ବେଳେ ଅନ୍ୟ 19ଟି ଅଣ୍ଡାରୁ ଛୁଆ ଫୁଟି ବାହାରି ଯାଇଥିବା ଜଣାପଡ଼ିଛି। ଧାମନଗର ସମେତ ଆଖପାଖ ଅଞ୍ଚଳରୁ ବିଗତ କିଛି ଦିନ ହେବ ବହୁ ସଂଖ୍ୟାରେ ସାପ ଉଦ୍ଧାର ନେଇ ଲୋକ ଆତଙ୍କିତ ଅବସ୍ଥାରେ ଅଛନ୍ତି ।
ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ
