ଭିଜିଲାନ୍ସ ଜାଲରେ ଅଧିକ୍ଷଣ ଯନ୍ତ୍ରୀଙ୍କ ସହ ଭିଣୋଇ, ୫ଟି ସ୍ଥାନରେ ଚଢାଉ ଜାରି

ଭିଜିଲାନ୍ସ ଜାଲରେ ଅଧିକ୍ଷଣ ଯନ୍ତ୍ରୀ । ଭଦ୍ରକ ସାଳନ୍ଦୀ କେନାଲ ଡିଭିଜନର ଅଧିକ୍ଷଣ ଯନ୍ତ୍ରୀ ଶ୍ରୀମନ୍ତ(Salandi Canal Division Superintendent engineer) ସେଠୀଙ୍କ ସହ ତାଙ୍କ ଭିଣୋଇ କରୁଣାକର ସେଠୀଙ୍କୁ ଅଟକ ରଖିଛି ଭିଜିଲାନ୍ସ ଟିମ । ପ୍ରତି ସପ୍ତାହରେ ଥରେ ଠିକା ସଂସ୍ଥା ଠାରୁ ବେଆଇନ ଭାବେ ଟଙ୍କା ନେଇ ଭିଣୋଇଙ୍କ ଦ୍ବାରା ଘରକୁ ପଠାଉଥିବା ନେଇ ସୂଚନା । ଅଧିକ ପଢନ୍ତୁ

ଭଦ୍ରକ: ଭିଜିଲାନ୍ସ ଜାଲରେ ଅଧିକ୍ଷଣ ଯନ୍ତ୍ରୀ । ନିଜ ଭିଣୋଇକୁ ଟଙ୍କା ଦେଉଥିବା ସମୟରେ ମାଡି ବସିଲା ଭିଜିଲାନ୍ସ । ଭଦ୍ରକ ସାଳନ୍ଦୀ କେନାଲ ଡିଭିଜନର ଅଧିକ୍ଷଣ ଯନ୍ତ୍ରୀ(Salandi Canal Division Superintendent engineer) ଶ୍ରୀମନ୍ତ କୁମାର ସେଠୀଙ୍କ ସହ ତାଙ୍କ ଭିଣୋଇ କରୁଣାକର ସେଠୀଙ୍କୁ ଅଟକ ରଖିଛି ଭିଜିଲାନ୍ସ ଟିମ । ଏନେଇ ସୂଚନା ଦେଇଛନ୍ତି ବାଲେଶ୍ଵର ଭିଜିଲାନ୍ସ ବିଭାଗ ଅଧୀକ୍ଷକ ନରହରି ନାୟକ । ପ୍ରତି ସପ୍ତାହରେ ଥରେ ଠିକାଦାରଙ୍କ ଠାରୁ ବେଆଇନ ଭାବେ ଟଙ୍କା ନେଇ ଭିଣୋଇଙ୍କ ଦ୍ବାରା ଘରକୁ ପଠାଉଥିବା ନେଇ ସୂଚନା ରହିଛି ।

ଖବର ଅନୁସାରେ, କୌଣସି ଏକ ବିଶ୍ୱସ୍ତ ସୂତ୍ରରୁ ଖବର ପାଇ ଗୁରୁବାର ଭିଜିଲାନ୍ସ ବିଭାଗ ପକ୍ଷରୁ ଭଦ୍ରକ ସାଳନ୍ଦୀ କେନାଲ ଡିଭିଜନର ଅଧିକ୍ଷଣ ଯନ୍ତ୍ରୀ ଶ୍ରୀମନ୍ତ କୁମାର ସେଠିଙ୍କ ଭଦ୍ରକ ସ୍ଥିତ ସରକାରୀ ବାସଭବନରେ ଚଢାଉ କରାଯାଇଥିଲା । ଏହି ସମୟରେ ସେଠାରୁ ପାଞ୍ଚ ଲକ୍ଷ ଟଙ୍କା ଜବତ କରିଥିଲା ଭିଜିଲାନ୍ସ । ତେବେ ଏହି ଅର୍ଥ ନେଇ କୌଣସି ସନ୍ତୋଷଜନକ ଉତ୍ତର ଦେଇପାରିନଥିଲେ ଅଧିକ୍ଷଣ ଯନ୍ତ୍ରୀ । ଏହାପରେ ଶ୍ରୀମନ୍ତଙ୍କ ଭିଣୋଇ କରୁଣାକର ସେଠୀଙ୍କ ଉପରେ ବଢିଥିଲା ସନ୍ଦେହ । ତେବେ ଟଙ୍କା ଜବତ କରିବା ସହ ଶ୍ରୀମନ୍ତଙ୍କ ସହ ଭିଣୋଇ କରୁଣାକର ସେଠୀଙ୍କୁ ମଧ୍ୟ ଅଟକ ରଖିଛି ଭିଜିଲାନ୍ସ ବିଭାଗ ।

• In one more Operation today, Sri Srimanta Ku Sethy,SE, Salandi Canal Div,Bhadrak & his brother in law Sri Karunakar Sethy(shopkeeper) nabbed by Odisha Vigilance & suspected ill-gotten cash to the tune of Rs 5 lakh recovered,which Sri Sethy,SE could not account for satisfactorily.

  — Odisha Vigilance (@OdishaVigilance) September 29, 2022 " class="align-text-top noRightClick twitterSection" data="

  In one more Operation today, Sri Srimanta Ku Sethy,SE, Salandi Canal Div,Bhadrak & his brother in law Sri Karunakar Sethy(shopkeeper) nabbed by Odisha Vigilance & suspected ill-gotten cash to the tune of Rs 5 lakh recovered,which Sri Sethy,SE could not account for satisfactorily.

  — Odisha Vigilance (@OdishaVigilance) September 29, 2022

  ">

  In one more Operation today, Sri Srimanta Ku Sethy,SE, Salandi Canal Div,Bhadrak & his brother in law Sri Karunakar Sethy(shopkeeper) nabbed by Odisha Vigilance & suspected ill-gotten cash to the tune of Rs 5 lakh recovered,which Sri Sethy,SE could not account for satisfactorily.

  — Odisha Vigilance (@OdishaVigilance) September 29, 2022

ଭିଜିଲାନ୍ସ ଟିମ ଶ୍ରୀମନ୍ତଙ୍କ ଆୟ ବହିର୍ଭୂତ ସ୍ଥାବର ଅସ୍ଥାବର ସମ୍ପତିର ଖୋଳତାଡ଼ କରୁଛି । ଭିଜିଲାନ୍ସ ଟିମ ଏକକାଳୀନ ପାଞ୍ଚୋଟି ସ୍ଥାନରେ ଚଢାଉ କରି ତଦନ୍ତ ଜାରି ରଖିଛି । ଏଥି ମଧ୍ୟରେ ରହିଛି ଶ୍ରୀମନ୍ତଙ୍କ ଖଇରାରେ ଥିବା ପୈତୃକ ଗ୍ରାମ ଘର, ବାଲେଶ୍ଵରରେ ଥିବା ତାଙ୍କ ଶ୍ୱଶୁର ଘର, ସାଳନ୍ଦୀ କେନାଲ ଡିଭିଜନର ଅଫିସ, ଭଦ୍ରକ ସ୍ଥିତ ସରକାରୀ ବାସଭବନ ।

ଏନେଇ ବାଲେଶ୍ବର ଭିଜିଲାନ୍ସ ଅଧୀକ୍ଷକ ନରହରି ନାୟକ କହିଛନ୍ତି, "ଭଦ୍ରକ ସାଳନ୍ଦୀ କେନାଲ ଡିଭିଜନର ଅଧିକ୍ଷଣ ଯନ୍ତ୍ରୀ ଶ୍ରୀମନ୍ତ କୁମାର ସେଠୀ ବିଭିନ୍ନ ଠିକାଦାରଙ୍କ ଠାରୁ ବେଆଇନ ଭାବେ ଟଙ୍କା ଆଦାୟ କରି ନିଜ ଭିଣୋଇ ହାତରେ ଘରକୁ ପଠାଉଥିଲେ । ଆମକୁ ଖବର ମିଳିଥିଲା ୫ ଲକ୍ଷ ଟଙ୍କା କଲେକସନ କରି ନିଜ ଭିଣୋଇ ହାତରେ ଘରକୁ ପଠାଇବା ବ୍ୟବସ୍ଥା କରୁଛନ୍ତି । ଭିଜିଲାନ୍ସ ଟିମ ଚଢାଉ କରି ଟଙ୍କା ଜବତ କରିବା ସହ ଉଭୟଙ୍କୁ ଅଟକ ରଖିଛୁ । ଏହା ସହ ପାଞ୍ଚୋଟି ଜାଗାରେ ଚଢାଉ ଜାରି ରହିଛି । ଆଗରୁ ଏମାନଙ୍କ ନାମରେ ବହୁତ ଅଭିଯୋଗ ରହିଥିଲା । ବର୍ତ୍ତାମାନ ସୁଦ୍ଧା ୫ ଲକ୍ଷ ଟଙ୍କା ଜବତ କରାଯାଇଛି । ଚଢାଉ ଶେଷ ହେବା ପରେ ପ୍ରକୃତ ସମ୍ପତ୍ତି ସ୍ପଷ୍ଟ ହୋଇପାରିବ ।"

ଇଟିଭି ଭାରତ, ଭଦ୍ରକ