ଭଦ୍ରକ: ସଡକ ସୁରକ୍ଷା ପାଇଁ ସଚେତନତା କାର୍ଯ୍ୟକ୍ରମ । ଭଦ୍ରକ ଆଞ୍ଚଳିକ ପରିବହନ ବିଭାଗ, ସ୍କୁଲ ଛାତ୍ରଛାତ୍ରୀ ଓ ରୋଟାରୀ କ୍ଳବର ସଦସ୍ୟ ମାନେ ସଡକ ସୁରକ୍ଷା ପାଇଁ ଲୋକଙ୍କୁ ସଚେତନ କରିଛନ୍ତି ।
ଭିଡିଓ ସୌଜନ୍ୟ : ସମ୍ବାଦଦାତା, ଭଦ୍ରକ
ଭଦ୍ରକ ଆଞ୍ଚଳିକ ପରିବହନ ବିଭାଗ ଓ ରୋଟାରୀ କ୍ଳବ୍ ମିଡଟାଉନର ମିଳିତ ପ୍ରୟାସରେ ଜିଲ୍ଲାସ୍କୁଲର ଛାତ୍ରଛାତ୍ରୀଙ୍କୁ ନେଇ ଏକ ସଡକ ସୁରକ୍ଷା ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଏହି କାର୍ଯ୍ୟକ୍ରମକୁ ଆଞ୍ଚଳିକ ପରିବହନ ଅଧିକାରୀ ବିରଞ୍ଚି ନାରାୟଣ ଅଧିକାରୀ, ରୋଟାରୀ କ୍ଲବ୍ ମିଡ଼ଟାଉନ ଭଦ୍ରକର ସଭାପତି ଅତିଶ ବେହେରା ଓ ବିଦ୍ୟାଳୟର ପ୍ରଧାନଶିକ୍ଷକ ଜଗବନ୍ଧୁ ସାହୁ ପ୍ରମୁଖ ପତାକା ଦେଖାଇ ଆରମ୍ଭ କରିଥିଲେ। ଛାତ୍ରଛାତ୍ରୀମାନେ ବିଭିନ୍ନ ସଡକ ସୁରକ୍ଷା ସଚେତନତା ସଂପର୍କିତ ସ୍ଲୋଗାନ ଦେଇ ସଚେତନତା ସୃଷ୍ଟି କରିବା ପାଇଁ ପ୍ରୟାସ କରିଥିଲେ। ଶେଷରେ ଆୟୋଜକଙ୍କ ତରଫରୁ ସମସ୍ତଙ୍କୁ, ‘ଆପଣଙ୍କ ଯାତ୍ରାପଥ ସର୍ବଦା ସୁରକ୍ଷିତ ହେଉ" ବାର୍ତ୍ତା ଦିଆଯାଇଥିଲା।
ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ
