ଭଦ୍ରକ: ଉଦ୍ଧାର ହେଲା ମୃତ ଡଲଫିନ । ଭଦ୍ରକ ଜିଲ୍ଲା ତିହିଡି ବ୍ଲକ ଗୋବିନ୍ଦପୁର ପଞ୍ଚାୟତ ଅନ୍ତର୍ଗତ ସାଳନ୍ଦି ନଦୀ ତଟବର୍ତ୍ତୀ କୃତ୍ତିବାସପୁର ଗ୍ରାମ ନିକଟରୁ ଏକ ମୃତ ଡଲଫିନକୁ ଉଦ୍ଧାର କରାଯାଇଛି। ଏହାର ଓଜନ ପ୍ରାୟ 1 କ୍ବିଣ୍ଟାଲ ହେବ ବୋଲି ସୂଚନା ମିଳିଛି।
ମୃତ ଡଲଫିନ ଉଦ୍ଧାର
ସୂଚନା ଅନୁସାରେ, ସ୍ଥାନୀୟ ଲୋକେ ସାଳନ୍ଦି ନଦୀରେ ଜାଲ ବସାଉ ଥିବାବେଳେ ଜାଲରେ ଏହି ଡଲଫିନ ଧରା ପଡିଥିଲା। କୂଳକୁ ଅଣାଯିବା ପରେ ଉକ୍ତ ଡଲଫିନଟି ମୃତ ବୋଲି ଜଣାପଡିଥିଲା।
ଏନେଇ ବନବିଭାଗ ଖବର ପାଇବା ପରେ ଘଟଣାସ୍ଥଳକୁ ଆସି ମୃତ ଡଲଫିନକୁ ନେଇ ଯାଇଥିବା ଜଣାପଡିଛି। ତେବେ ଡଲଫିନର ମୃତ୍ୟୁ କେମିତି ହେଲା, ସେନେଇ କିଛି ସୂଚନା ମିଳିପାରିନାହିଁ ।
ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ
