ଭଦ୍ରକ: ଚତୁର୍ଥ ପର୍ଯ୍ୟାୟ ନିର୍ବାଚନକୁ ଆଉ ଦିନ କେଇଟା । ନିର୍ବାଚନକୁ ନେଇ ସରଗରମ ରାଜ୍ୟ ରାଜନୀତି । ନିଜ ଦଳର ପ୍ରାର୍ଥୀଙ୍କୁ ଜିତାଇବା ପାଇଁ ଘନ ଘନ ଓଡିଶା ଗସ୍ତ କରୁଛନ୍ତି ପ୍ରଧାନମନ୍ତ୍ରୀ ଓ କେନ୍ଦ୍ରମନ୍ତ୍ରୀ । ଅନ୍ୟପଟେ ପ୍ରାର୍ଥୀ ମଧ୍ୟ ଜୋରଦାର ପ୍ରଚାର ଚଳାଇଛନ୍ତି । ଶିକ୍ଷା, ସ୍ବାସ୍ଥ୍ୟ, ଗମନାଗମନ ଭଳି ମୌଳିକ ସୁବିଧାକୁ ମୁଖ୍ୟ ମୁଦ୍ଦା କରି ଭୋଟ ମାଗୁଛନ୍ତି ପ୍ରାର୍ଥୀ ।
ଦିନରାତି ଏକ କରି ଡୋର୍ ଟୁ ଡୋର୍ ବୁଲି ଭୋଟ ମାଗୁଛନ୍ତି ଉଭୟ ପ୍ରାର୍ଥୀ ଓ କର୍ମୀ । ଏଥର ଭଣ୍ଡାରୀପୋଖରୀ ନିର୍ବାଚନୀ ମଣ୍ଡଳୀରେ ବିଜେପି, ବିଜେଡି ଓ କଂଗ୍ରେସ ମଧ୍ୟରେ କଡା ଟକ୍କର ହେବ ବୋଲି ଚର୍ଚ୍ଚା ହେଉଛି । ଭଣ୍ଡାରିପୋଖରୀ ନିର୍ବାଚନୀ ମଣ୍ଡଳୀ ପାଇଁ ଏଥର ବଦ୍ରି ନାରାୟଣ ଧଳଙ୍କୁ ବିଜେପି ପ୍ରାର୍ଥୀ କରିଛି ।
ଯଦି ଚଳିତ ନିର୍ବାଚନରେ ବଦ୍ରି ଜିତାପଟ ମାରନ୍ତି ତାହାଲେ ଭଣ୍ଡାରୀପୋଖରୀବାସୀଙ୍କ ପାଇଁ କଣ ରହିବ ତାଙ୍କର ଗୁରୁତ୍ବପୂର୍ଣ୍ଣ ଭୂମିକା ? ଏନେଇ ସେ ଇଟିଭି ଭାରତକୁ ସାକ୍ଷାତକାର ଦେଇ ବିସ୍ତୃତ ଆଲୋଚନା କରିଛନ୍ତି।
ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ
