ଭଦ୍ରକ: ଭଦ୍ରକ ଗ୍ରାମାଞ୍ଚଳ ଥାନା ଅଧିନସ୍ଥ କାଉପୁର ପଞ୍ଚାୟତ ଅର୍ଜିପାଟଣା ଗ୍ରାମରେ ଅଭାବନୀୟ ଘଟଣା। ଠେଙ୍ଗା ମାଡରେ ଯୁବକଙ୍କ ମୃତ୍ୟୁ ହୋଇଛି। ମୃତକ ହେଉଛନ୍ତି ବିଜୟ ବେହେରା।
ବିଜୟ ପଡୋଶୀ ଘର ସମ୍ମୁଖରେ ଥିବା ରାସ୍ତା କଡରେ ଇନ୍ଦିରା ଆବାସ ଘର ନିର୍ମାଣ କରିବା ପାଇଁ ଦୁଇ ଦିନ ପୂର୍ବରୁ କିଛି ବାଲି ଆଣି ଗଛିତ କରିଥିଲେ। ଏହି ସାମାନ୍ୟ ଘଟଣାକୁ ନେଇ ବିବାଦର ସୂତ୍ରପାତ ହୋଇଥିଲା। ଗୁରୁବାର ରାତିରେ ବିଜୟ ଘରକୁ ଫେରୁଥିବା ସମୟରେ ଏହି ଘଟଣାକୁ ନେଇ ପଡିଶା ଲୋକେ ତାଙ୍କ ଉପରେ ସଂଘବଦ୍ଧ ଆକ୍ରମଣ କରିଥିଲେ।
ଭିଡିଓ ସୌଜନ୍ୟ: ସମ୍ବାଦଦାତା, ଭଦ୍ରକ
ଏହି ମରଣାନ୍ତକ ଆକ୍ରମଣ ପରେ ଗୁରୁତର ଅବସ୍ଥାରେ ତାଙ୍କୁ ଭଦ୍ରକ ମୁଖ୍ୟଚିକିତ୍ସାଳୟକୁ ନିଆଯାଇଥିଲା । ତାଙ୍କୁ ଡାକ୍ତର ତାଙ୍କୁ ମୃତ ଘୋଷଣା କରିଛନ୍ତି । ଘଟଣା ସମ୍ପର୍କରେ ଖବର ପାଇ ଭଦ୍ରକ ଗ୍ରାମାଞ୍ଚଳ ଥାନା ପୁଲିସ ପହଞ୍ଚି ତଦନ୍ତ କରୁଛି।
ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ
