ଭଦ୍ରକ: ଦୂର ହେବ ଦୀର୍ଘଦିନର ଦାବି । ଭଦ୍ରକ ଚରମ୍ପା ବ୍ଲକ ଅନ୍ତର୍ଗତ ଏରେଇଁ ପଞ୍ଚାୟତରେ ନିର୍ମାଣ ହେବ ନୂତନ ପ୍ରାଥମିକ ସ୍ବାସ୍ଥ୍ୟକେନ୍ଦ୍ର । ଜଣସାଧାରଣଙ୍କୁ ସ୍ବାସ୍ଥ୍ୟଗତ ସୁବିଧା ଯୋଗାଇବା ଲକ୍ଷ୍ୟରେ ଏରେଇଁ ପଞ୍ଚାୟତ କାଳୀପଡ଼ିଆ ନିକଟରେ ଏକ ସ୍ବାସ୍ଥ୍ୟକେନ୍ଦ୍ର ପ୍ରତିଷ୍ଠା ହେବ । ଏନେଇ 60 ଡିସମିଲ୍ ସ୍ଥାନ ଚିହ୍ନଟ କରାଯାଇଛି । ଯାହାକୁ ଭଦ୍ରକ ବିଧାୟକ ସଞ୍ଜିବ ମଲ୍ଲିକ ପରିଦର୍ଶନ କରି ସର୍ବିଶେଷ ଆଲୋଚନା କରିଥିଲେ ।
ନିର୍ମାଣ ହେବ ନୂତନ ପ୍ରାଥମିକ ସ୍ବାସ୍ଥକେନ୍ଦ୍ର
ଏହି ସମୟରେ ଏରେଇଁ ପଞ୍ଚାୟତ ସରପଞ୍ଚ ଅଶ୍ବନୀ ରଣା, ବ୍ଲକ ବିଜେଡ଼ି ସଭାପତି ପ୍ରଫୁଲ୍ଲ ନାୟକ, ପୂର୍ବତନ ସରପଞ୍ଚ ରତ୍ନାକର ସାମଲ, ତହସିଲଦାର, ଆରଆଇ ସମେତ ପଞ୍ଚାୟତବାସୀ ଉପସ୍ଥିତ ଥିଲେ । ତେବେ ସ୍ଥାନ ପରିଦର୍ଶନ ପରେ ଏନେଇ ପୂର୍ଣ୍ଣାଙ୍ଗ ରିପୋର୍ଟ ଦାଖଲ ପରେ ଖୁବଶୀଘ୍ର ଏଠାରେ କାର୍ଯ୍ୟ ଆରମ୍ଭ କରାଯିବା ନେଇ କହିଛନ୍ତି ବିଧାୟକ ସଞ୍ଜିବ ମଲ୍ଲିକ ।
ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ
