ଭଦ୍ରକ: ଜାତୀୟ କ୍ରୀଡାରେ ଚମକିଲେ ଭ୍ରଦକ ଝିଅ । ଗୋଆରେ ଚାଲିଥିବା 37 ଜାତୀୟ କ୍ରୀଡାରେ ସିନିୟର ମହିଳା ସିପକଟାକ୍ରୋ ଖେଳରେ ଓଡିଶା ଦଳ ବ୍ରୋଞ୍ଜ ପଦକ ଜିତିଛି । ଏଥିରେ ଭଦ୍ରକ ଜିଲ୍ଲା ଚାନ୍ଦବାଲି ବ୍ଲକର ରୂପାଲି ସାହୁ ଓ ଗାୟତ୍ରୀ ସାହୁ ସାମିଲ ଥିଲେ । ଜାତୀୟ କ୍ରୀଡ଼ାରେ ବ୍ରୋଞ୍ଜ ପଦକ ଜିତି ଜିଲ୍ଲା ପାଇଁ ଗର୍ବ ଓ ଗୌରବ ଆଣିଛନ୍ତି ରୂପାଲି ଓ ଗାୟତ୍ରୀ ।
ଏହା ବି ପଢନ୍ତୁ... ଜାତୀୟ ସିପକଟାକ୍ରୋ ଦଳରେ ଚାନ୍ଦବାଲିର 3 ମହିଳା ଖେଳାଳି
ଗୋଆରେ 37ତମ ଜାତୀୟ କ୍ରୀଡ଼ାରେ ସିନିୟର ମହିଳା ସିପକଟାକ୍ରୋ ଖେଳ ଅନୁଷ୍ଠିତ ହୋଇଥିଲା । ଓଡ଼ିଶାରୁ ମୋଟ 6 ଜଣ ଖେଳାଳୀ ଏହି କ୍ରୀଡ଼ାରେ ଅଂଶ ଗ୍ରହଣ କରିଥିଲେ । ସେମାନଙ୍କ ମଧ୍ୟରୁ ଭୁବନେଶ୍ୱର କିସ୍ ଅନୁଷ୍ଠାନରୁ 2 ଜଣ, କଟକରୁ 2 ଜଣ ଏବଂ ଭଦ୍ରକ ଜିଲ୍ଲା ଚାନ୍ଦବାଲି ବ୍ଲକରୁ ରୂପାଲି ସାହୁ ଏବଂ ଗାୟତ୍ରୀ ସାହୁ ସାମିଲ ହୋଇଥିଲେ । ରୂପାଲି ସାହୁ ଏବଂ ଗାୟତ୍ରୀ ସାହୁଙ୍କ ଉନ୍ନତମାନର ଖେଳ ପ୍ରଦର୍ଶନ ପାଇଁ ଦଳ କାଂସ୍ୟ ପଦକ ହାସଲ କରିଛି । ଏହି ଜାତୀୟ ସ୍ତରୀୟ ପ୍ରତିଯୋଗିତା ଅକ୍ଟୋବର 26 ତାରିଖରୁ ଆରମ୍ଭ ହୋଇଥିଲା । ତେବେ ଓଡ଼ିଶା ସିନିୟର ମହିଳା ସିପକଟାକ୍ରୋ ଦଳ ସେମିଫାଇନାଲର "ଡବଲ ଇଭେଣ୍ଟ"ରେ ଆନ୍ଧ୍ରପ୍ରଦେଶ ସିନିୟର ମହିଳା ସିପକଟାକ୍ରୋ ଦଳକୁ 1-2 ରେ ଏବଂ ଅନ୍ୟ ଏକ ସେମିଫାଇନାଲର "ବ୍ଲାକ ଇଭେଣ୍ଟ"ରେ ହରିୟାଣା ସିନିୟର ମହିଳା ସିପକଟାକ୍ରୋ ଦଳକୁ 0-2 ରେ ପରାସ୍ତ କରି ଦଳ ବ୍ରୋଞ୍ଜ୍ ପଦକ ହାସଲ କରିଛନ୍ତି ।
