ଭଦ୍ରକ: ଭଦ୍ରକରେ ମାତିଛନ୍ତି ଲୁଟେରା, ସତେ ଯେମିତି ଲୁଟର ସହର ପାଲଟିଯାଇଛି ଭଦ୍ରକ । ହେଲେ ଲୁଟେରାଙ୍କ ସୁରାକ ପାଉନାହିଁ ପୋଲିସ । ଆଜି ଏହିପରି ଏକ ଲୁଟ ଘଟଣା ସାମ୍ନାକୁ ଆସିଛି ଜନଗହଳିପୂର୍ଣ୍ଣ ବନ୍ତ ଛକ ବସଷ୍ଟାଣ୍ଡରେ । ଖବର ଅନୁଯାୟୀ ବାଲେଶ୍ବର ଅଭିମୁଖେ ଯାଉଥିବା ଏକ ବସରେ ଜଣେ ଯାତ୍ରୀ ବସର ଝରକା ପାଖରେ ବସିଥିବା ସମୟରେ ଝରକା ପଟେ ଯାତ୍ରୀଙ୍କ ସୁନା ଚେନ ଛିଡାଇ ନେଇ ଦୌଡ଼ି ପଳାଇବାକୁ ଚେଷ୍ଟା କରୁଥିଲା ଲୁଟେରା ।
ସୁନା ଚେନ ଛଡାଇ ଛେଚା ଖାଇଲା ଦୁର୍ବୃତ୍ତ
ତେବେ ଏନେଇ ଯାତ୍ରୀଙ୍କ ଚିତ୍କାର ଶୁଣି ସ୍ଥାନୀୟ ଲୋକେ ଲୁଟେରାକୁ କାବୁ କରି ନିର୍ଧୁମ ଛେଚିବା ସହ ସୁନା ଚେନକୁ ଉଦ୍ଧାର କରିଥିଲେ । ହେଲେ ପ୍ରବଳ ଗହଳିର ସୁଯୋଗ ନେଇ ଲୁଟେରା ଜଣକ ଚମ୍ପଟ ମାରିଥିବା ଜଣାପଡିଛି ।
ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ
