ଭଦ୍ରକ: ମେଡିକାଲ କଲେଜ ପ୍ରତିଷ୍ଠା ଦାବିରେ ପଥପ୍ରାନ୍ତ ସଭା । ଭଦ୍ରକ ଜିଲ୍ଲାରେ ମେଡିକାଲ କଲେଜ ପ୍ରତିଷ୍ଠା ଦାବିରେ ପଥପ୍ରାନ୍ତ ସଭା କରାଯାଇଛି । ଜିଲ୍ଲାର ବନ୍ତ ଛକ ନିକଟରେ ଜନ ସଚେତନତା ସୃଷ୍ଟି କରିବା ସହିତ ପ୍ରତିବାଦ ସ୍ବର ଦେଖିବାକୁ ମିଳିଛି ।
ଯେପର୍ଯ୍ୟନ୍ତ ଜିଲ୍ଲାରେ ସରକାରୀ ସ୍ତରରେ ମେଡିକାଲ କଲେଜ ପ୍ରତିଷ୍ଠା ଘୋଷଣା ନକରାଯାଇଛି ସେପର୍ଯ୍ୟନ୍ତ ଜିଲ୍ଲାବାସୀଙ୍କ ସ୍ବାର୍ଥ ପାଇଁ ଧାରଣା ଧର୍ମଘଟ ପ୍ରତିବାଦର ସ୍ବର ଜାରି ରହିବ ବୋଲି ପ୍ରତିବାଦକାରୀ ମାନେ ଚେତାବନୀ ଦେଇଛନ୍ତି ।
କିଛି ଦିନ ତଳେ ଅନ୍ୟ ତିନୋଟି ଜ଼ିଲ୍ଲାରେ ମେଡିକାଲ କଲେଜ ସ୍ଥାପନା ପାଇଁ ଘୋଷଣା କରିଥିଲେ ରାଜ୍ୟ ସରକାର । କିନ୍ତୁ ଭଦ୍ରକବାସୀ ବହୁ ଆନ୍ଦୋଳନ ଧର୍ମଘଟ ଦାବିପତ୍ର ପ୍ରଦାନ ମାଧ୍ୟମରେ ନିବେଦନ ଗୁହାରି ରଖିଥିଲେ ମଧ୍ୟ ଭଦ୍ରକ ଜ଼ିଲ୍ଲାକୁ ବାଦ କରିଛନ୍ତି ସରକାର ।
ନିର୍ବାଚନ ସମୟରେ ବହୁ ପ୍ରତିଶୃତି ଦେଇଥିଲେ ରାଜନେତା ମାନେ । ତାହା ପାଣି ଫୋଟକା ଭଳି ଫୁଟିଗଲା ବୋଲି ବୁଦ୍ଧିଜୀବୀ ମାନେ ମତପ୍ରକାଶ କରିଛନ୍ତି ।
ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ
