ଭଦ୍ରକ: ଗ୍ୟାସ ଟାଙ୍କି ଫାଟି ଜଳିଗଲା 5 ବଖରା ଘର । ଜଣେ ମହିଳା ଆହତ ହୋଇଥିବା ସୂଚନା । ଖବର ଅନୁଯାୟୀ, ଭଦ୍ରକ ସହର ଉପକଣ୍ଠ ଅଞ୍ଚଳରେ ରମେଶ ଲାଲଙ୍କ ରୋଷେଇ ଘରେ କୌଣସି କାରଣରୁ ଗ୍ୟାସ ଟାଙ୍କିରୁ ହଠାତ୍ ନିଆଁ ଲାଗିଯାଇଥିଲା । ଫଳରେ ଦୁଇଟି ଗ୍ୟାସ ଟାଙ୍କି ଫାଟିବାରୁ, ନିଆଁର ପ୍ରକୋପ ଚାରିଆଡେ ବ୍ୟାପି ଯାଇଥିଲା ।
ଗ୍ୟାସ ଟାଙ୍କି ଫାଟି ଘର ଜଳିଯିବା ସହ ଜଣେ ମହିଳା ଆହତ
ନିଆଁରେ ଘର ଗୁଡିକ ଜଳିଯିବା ସହ, ଲକ୍ଷାଧିକ ଟଙ୍କାର ସମ୍ପତ୍ତି ଜଳି ପୋଡି ପାଉଁଶ ହୋଇଯାଇଛି । ତେବେ ଖବର ପାଇ ଅଗ୍ନିଶମ ବାହିନୀ ଘଟଣା ସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଥିଲେ । ସୂଚନାନୁସାରେ ଏହି ଅଗ୍ନିକାଣ୍ଡ ଯୋଗୁଁ ଜଣେ ମହିଳା ଆହତ ହୋଇଛନ୍ତି । ତାଙ୍କୁ ତୁରନ୍ତ ଭଦ୍ରକ ମେଡିକାଲରେ ଚିକିତ୍ସା ପାଇ ଭର୍ତ୍ତି କରାଯାଇଛି । ତେବେ ଗ୍ୟାସ ଟ୍ୟାଙ୍କି କେଉଁ କାରଣରୁ ଫାଟିଲା ତାହା ତଦନ୍ତ ପରେ ସ୍ପଷ୍ଟ ଭାବେ ଜଣା ପଡିବ ।
ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ
