ଭଦ୍ରକ: ଜିଲ୍ଲାର ତିହିଡି ଥାନା ଅଧିନସ୍ଥ ସିନ୍ଦୋଳ ଅଞ୍ଚଳରେ ନକଲି ମଦ କାରଖାନା ଠାବ । ଲକ୍ଷାଧିକ ଟଙ୍କାର ନକଲି ମଦ, ବିଭିନ୍ନ ନାମୀଦାମୀ କମ୍ପାନୀର ଲୋଗୋ ସହ ମଦ ତିଆରି ସରଞ୍ଜାମ ଜବତ।
ଏହି ଘଟଣାରେ ଜଣେ ମହିଳାଙ୍କୁ ଗିରଫ କରିଛି ପୋଲିସ। ସେ ହେଉଛନ୍ତି ସ୍ଥାନୀୟ ଅଞ୍ଚଳର ଗୀତାଞ୍ଜଳି ଦାସ। ଏହାସହ ଘଟଣାସ୍ଥଳରୁ ଲକ୍ଷ୍ମୀଧର ବେହେରା ନାମକ ବ୍ୟକ୍ତି ଫେରାର ହୋଇଯାଇଥିବା ସୂଚନା ମିଳିଛି।
ନକଲି ମଦ କାରଖାନା ଠାବ: ଲକ୍ଷାଧିକ ଟଙ୍କାର ନକଲି ମଦ ଜବତ
ତେବେ ପ୍ରାୟ 2/3 ମାସ ହେଲା ଏଠାରେ ଏକ ନକଲି ମଦ କାରଖାନା ଚାଲୁଥିବା ନେଇ ଅବକାରୀ ବିଭାଗ ଖବର ପାଇଥିଲା । ପରେ ଭଦ୍ରକ ଅବକାରୀ ବିଭାଗପକ୍ଷରୁ ସେଠାରେ ଚଢ଼ାଉ କରାଯାଇଥିଲା । ଜିଲ୍ଲାପାଳଙ୍କ ନିର୍ଦ୍ଦେଶକ୍ରମେ ଅବକାରୀ ନିରୀକ୍ଷକ ଧନେଶ୍ବର ବରାଡ଼ଙ୍କ ନେତୃତ୍ବରେ ଅବକାରୀ ଉପନିରୀକ୍ଷକ ସଞ୍ଜୟ କୁମାର ପଣ୍ଡା, ସ୍ପନ୍ଦନ କୁମାର ମହାନ୍ତି ଓ ଅନ୍ୟ କର୍ମଚାରୀଙ୍କୁ ନେଇ ଏକ ସ୍ବତନ୍ତ୍ର ଦଳ ଚଢ଼ାଉ କରିଥିଲେ ।
ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ
