ଭଦ୍ରକ: ଅବ୍ଯବସ୍ଥା ଘେରରେ ଭଦ୍ରକର ମଦ୍ରାସା ସ୍କୁଲ । ଶିକ୍ଷାର ମାନବୃଦ୍ଧି ସହ କୋମଳମତି ପିଲାଙ୍କୁ ପୁଷ୍ଟିକର ଖାଦ୍ୟ ଯୋଗାଇ ଦେବାକୁ ସରକାର କରିଛନ୍ତି ମଧ୍ୟାହ୍ନ ଭୋଜନ ବ୍ୟବସ୍ଥା । ହେଲେ ପିଲାଙ୍କ ପାଇଁ ବିଳମ୍ବରେ ଆସୁଛି ମିଡ ଡେ ମିଲ। କେବଳ ଏତିକି ନୁହେଁ କୁନିକୁନି ଛାତ୍ରଛାତ୍ରୀଙ୍କୁ ବଣ୍ଟା ଯାଉଥିବା ରନ୍ଧାଖାଦ୍ୟ ମଧ୍ୟ ଅତି ନିମ୍ନ ମାନର ବୋଲି କହିଛନ୍ତି ଅଭିଭାବକ ଏବଂ ମାଦ୍ରାସା ଛାତ୍ର।
କେବଳ ଗୋଟିଏ କି ଦୁଇଟି ମାଦ୍ରାସାରେ ନୁହେଁ । ସବୁ ମାଦ୍ରାସାରେ ସମାନ ଅବସ୍ଥା । ସୂଚନା ଅନୁଯାୟୀ ଭଦ୍ରକରେ 33 ଟି ମଦ୍ରାସା ଥିବାବେଳେ ଏକ ହଜାରରୁ ଉର୍ଦ୍ଧ୍ଵ ଛାତ୍ରଛାତ୍ରୀ ଏହି ମାଦ୍ରାସାରେ ପାଠ ପଢନ୍ତି । ପ୍ରତି ଶୁକ୍ରବାର ମାଦ୍ରାସା ଛୁଟି ଥିବାବେଳେ ରବିବାରରେ ମଧ୍ୟ ପାଠ ପଢାଯାଏ । ମାତ୍ର ସେଦିନ ପିଲାଙ୍କୁ ରନ୍ଧା ଖାଦ୍ୟ ବଦଳରେ ବିସ୍କୁଟ ବଣ୍ଟା ଯାଉଥିବା ଅଭିଯୋଗ ହୋଇଛି । ଯାହା ସରକାରଙ୍କ ମଧ୍ୟାହ୍ନ ଭୋଜନ ବ୍ୟବସ୍ଥା ନିୟମର ଖୋଲାଖୋଲି ଉଲ୍ଲଂଘନ। ଏନେଇ ବାରମ୍ବାର ଅଭିଯୋଗ ହେଲେ ବି ହେଲେ ଫଳ ଶୂନ।
ମଦ୍ରାସା ଶିକ୍ଷାଦାନ ବ୍ୟବସ୍ଥାରେ ମଧ୍ୟାହ୍ନ ଭୋଜନ ବଣ୍ଟନ ବ୍ୟବସ୍ଥା କେବେ ସୁଧୁରିବ ? ଏନେଇ ସାଧାରଣରେ ପ୍ରଶ୍ନବାଚୀ ସୃଷ୍ଟି ହୋଇଛି।
ଭଦ୍ରକରୁ ଦେବାଶିସ ମହାପାତ୍ର, ଇଟିଭି ଭାରତ
