ଭଦ୍ରକ: ରାଜ୍ୟରେ କୋରୋନା ସଂକ୍ରମଣ ନିୟନ୍ତ୍ରଣ କରିବାକୁ ଯାଇ ରାଜ୍ୟ ସରକାର ବିଭିନ୍ନ ନିୟମାବଳୀ ପ୍ରସ୍ତୁତ କରିଛନ୍ତି । ସେଥିମଧ୍ୟରୁ ରେଡ ଜୋନ ସମ୍ପର୍କରେ ରାଜ୍ୟ ସରକାରଙ୍କଠାରୁ ଗାଇଡ ଲାଇନ ଆସିବା ପରେ ଭଦ୍ରକରେ କ’ଣ ସବୁ ପଦକ୍ଷେପ ନିଆଯିବ ତାହା ସୂଚନା ଦେଇଛନ୍ତି ଜିଲ୍ଲାପାଳ ଜ୍ଞାନ ଦାସ । ବାହାର ରାଜ୍ୟରୁ ଆସୁଥିବା ସମସ୍ତ ବ୍ୟକ୍ତିଙ୍କୁ ଭଣ୍ଡାରୀ ପୋଖରୀସ୍ଥିତ ସରକାରୀ ଶିଳ୍ପ ତାଲିମ କେନ୍ଦ୍ରରେ ରଖାଯିବା ନେଇ ବ୍ୟବସ୍ଥା ହୋଇଛି।
ସେପଟେ ଭଦ୍ରକ ଜିଲ୍ଲାର ସୀମା କୁହାଯାଉଥିବା ରାଣୀତାଲ ଓ ଆଖୁଆପଦାଠାରେ ଚେକ ପଏଣ୍ଟର ବ୍ୟବସ୍ଥା କରାଯାଇଛି । ଏଥିସହ କେନ୍ଦ୍ରୀୟ ରାପିଡ ରେସପନ୍ସ ଟିମ ଜିଲ୍ଲାର ବିଭିନ୍ନ କଣ୍ଟେନମେଣ୍ଟ ଜୋନ ସହ ସର୍ଭିଲେନ୍ସ ଜୋନକୁ ଯାଇ ସ୍ଥିତି ନିରୀକ୍ଷଣ କରିଛନ୍ତି। ସେହିପରି ଜିଲ୍ଲା ପାଇଁ ନିଯୁକ୍ତ ଦୁଇ ପର୍ଯ୍ୟବେକ୍ଷକ ଜିଲ୍ଲା ପ୍ରଶାସନ ସହିତ କୋରୋନା ସଂକ୍ରମଣ ରୋକିବା ପାଇଁ ପ୍ରଶାସନ କ’ଣ କ’ଣ ପଦକ୍ଷେପ ନେଇଛି ସେ ବିଷୟରେ ସମୀକ୍ଷା କରିଛନ୍ତି।
ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ
