ଭଦ୍ରକ: ଚୋରା ମଦ ଦୋକାନର ଆସର ଖୋଲିଛି ଭଦ୍ରକରେ ଯାହାକୁ ନେଇ ସହରରେ ଜୋର ଧରିଛି ଚର୍ଚ୍ଚା । ପୋଲିସରେ ବାରମ୍ବାର ଅଭିଯୋଗ କରୁଛନ୍ତି ସ୍ଥାନୀୟ ବାସିନ୍ଦା କିନ୍ତୁ ନିରବ ପ୍ରଶାସନ ଆଉ ନିଷ୍କ୍ରିୟତା ଦେଖାଉଛି ପୋଲିସ । ଫଳରେ ଧାମନଗର ବ୍ଲକର ଉତେଇପୁର ଗ୍ରାମରେ ଦେଖାଯାଇଛି ଉତ୍ତେଜନା ।
ଉତ୍ୟକ୍ତ ଲୋକେ ଭାଙ୍ଗିଦେଇଛନ୍ତି ଗ୍ରାମରେ ଥିବା ଏକ ବେଆଇନ ମଦ ଦୋକାନ । ଏହା ସହ ଆଗାମୀ ଦିନରେ ଯଦି ଏପରି କାର୍ଯ୍ୟ ଚାଲୁରହେ ଏବଂ ପୋଲିସ କୌଣସି ପଦକ୍ଷେପ ନନିଏ ତେବେ ଆନ୍ଦୋଳନ ବ୍ୟାପକ ହେବ ବୋଲି ପ୍ରଶାସନକୁ ଚେତାବନୀ ଦେଇଛନ୍ତି ଗ୍ରାମବାସୀ ।
ଭିଡିଓ ସୌଜନ୍ୟ:ସମ୍ବାଦଦାତା, ଭୁବନେଶ୍ବର
ସ୍ଥାନୀୟ ଅଞ୍ଚଳରେ ଅଧିକାଂଶ ଲୋକେ ଦିନମଜୁରିଆ ଅଟନ୍ତି । ଯାହା ରୋଜଗାର କରୁଛନ୍ତି ମଦ୍ୟପାନରେ ସାରିଦେଉଛନ୍ତି । ଫଳରେ ସେମାନଙ୍କ ପରିବାର ଚଳିବା ସହ ପିଲାମାନେ ପାଠ ପଢିବା ପାଇଁ ସଙ୍କଟ ସାଜୁଛି ଅର୍ଥ । ଯାହାକୁ ନେଇ ଅନେକବାର ପ୍ରତିବାଦ କରିଛନ୍ତି କିନ୍ତୁ ପ୍ରଶାସନ କୌଣସି ପଦକ୍ଷେପ ନେଉନଥିବା ଅଭିଯୋଗ ଆଣିଛନ୍ତି ଅଞ୍ଚଳବାସୀ ।
ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ
