ଭଦ୍ରକ: ପଣ୍ଡ ହେଲା ବେଆଇନ ଗୋରୁ ଚାଲାଣ । ଭଦ୍ରକ ଜିଲ୍ଲା ଟାଉନ ଥାନା ପୋଲିସ ବେଆଇନ ଭାବେ ଗୋରୁ ଚାଲାଣ କରୁଥିବା ଏକ ପିକଅପ ଭ୍ୟାନକୁ ଜବତ କରିବା ସହିତ 20ଟି ଗୋରୁଙ୍କୁ ଉଦ୍ଧାର କରାଯାଇଛି ।
ଗୋରୁ ବୋଝେଇ ଗାଡି ଜବତ
ଜିଲ୍ଲାରେ ବେଆଇନ ଭାବେ ଗୋରୁ ଚାଲାଣ ହେଉଥିବା ନେଇ ପୋଲିସ ବିଶେଷ ସୁତ୍ରରୁ ଖବର ପାଇଥିଲା । ଜିଲ୍ଲାର ଚରମ୍ପା ଛକ ନିକଟରେ କଡାକଡି ଯାଞ୍ଚ କରାଯାଇଥିଲା । ଫଳରେ ବେଆଇନ ଭାବେ ଚାଲାଣ ହେଉଥିବା ଗୋଟିଏ ଗାଡିକୁ ଅଟକ ରଖିଥିଲା । ସେଥିରୁ 20ଟି ଗୋରୁଙ୍କୁ ଉଦ୍ଧାର କରିଛି ପୋଲିସ ।
ଗାଡିଟିକୁ ଛାଡି ଡ୍ରାଉଭର ଫେରାର ହୋଇଯାଇଥିବା ଜଣାପଡିଛି । ସମସ୍ତ ଗୋରୁଙ୍କୁ ବେଆଇନ ଭାବେ ଭଦ୍ରକରୁ କୋଲକାତା ଚାଲାଣ ହେଉଥିବା ପୋଲିସର ଅନୁସନ୍ଧାନରୁ ଜଣାପଡିଛି । ପୋଲିସ ପକ୍ଷରୁ ଅଧିକ ତଦନ୍ତ ଜାରି ରହିଛି ।
ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ
