ଭଦ୍ରକ : ଏକ ଘରୋଇ ଯାତ୍ରୀବାହି ବସରେ ବେଆଇନ ଗଞ୍ଜେଇ ଚୋରା ଚାଲାଣ ହେଉଥିବା ବେଳେ ଜବତ କରାଯାଇଛି। ଏହି ଘଟଣାରେ ଦୁଇ ଜଣଙ୍କୁ ମଧ୍ୟ ଗିରଫ କରିଛି ଅବକାରୀ ବିଭାଗ।
ଖବର ଅନୁଯାୟୀ, ଭଦ୍ରକ ଜିଲ୍ଲା ଦେଇ ଯାଉଥିବା ଏକ ଘରୋଇ ଯାତ୍ରୀବାହିୀ ବସରେ ବେଆଇନ ଭାବେ ଗଞ୍ଜେଇ ନେଇ ଦୁଇଜଣ ଯାତ୍ରୀ ବାରିପଦା ଅଭିମୁଖେ ଯାତ୍ରା କରୁଥିବା ନେଇ ବିଶେଷ ସୂତ୍ରରୁ ଖବର ପାଇଥିଲା ଅବକାରୀ ବିଭାଗ । ଏନେଇ ପୂର୍ବ ପ୍ରସ୍ତୁତି ଅନୁଯାୟୀ ବିଭାଗୀୟ ଅଧିକାରୀ ମାନେ ଭଦ୍ରକ ଜିଲ୍ଲା ଦେଇ ଯାଇଥିବା 16 ନମ୍ବର ଜାତୀୟ ରାଜପଥର ବାରିକପୁର ଠାରେ ଏହି ଯାତ୍ରୀବାହି ବସ ଟିକୁ ଅଟକାଇ ଯାଞ୍ଚ କରିଥିଲେ । ଏହି ଯାଞ୍ଚ ସମୟରେ ବସରେ ଥିବା 10 କିଲୋ ବେଆଇନ ଗଞ୍ଜେଇ ଜବତ କରିଥିଲା ଅବକାରି ବିଭାଗ ।
ଏହି ଘଟଣାରେ ଜଣେ ପୁରୁଷ ଓ ଜଣେ ମହିଳାଙ୍କୁ ମଧ୍ୟ ଗିରଫ କରାଯାଇଛି ବୋଲି ଜଣାପଡ଼ିଛି । ଗିରଫ ଦୁଇ ଜଣଙ୍କ ଘର ଗଞ୍ଜାମ ଜିଲ୍ଲାରେ ହୋଇଥିବା ବେଳେ ଦୀର୍ଘଦିନ ଧରି ଏମାନେ ବେଆଇନ ଭାବେ ଗଞ୍ଜେଇ ଚୋରା ଚାଲାଣ କରୁଥିବା ସୂଚନା ମିଳିଛି ।
ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ
