ଭଦ୍ରକ: ବେଆଇନ ଭାବେ ଷଣ୍ଢ ଚାଲାଣ ହେଉଥିବା ପିକଅପ ଭ୍ୟାନ ଜବତ । ଭଦ୍ରକ ଜିଲ୍ଲା ପୁରୁଣା ବଜାର ଥାନା ପୋଲିସ ଦ୍ୱାରା ଏହି ଭ୍ୟାନକୁ ଜବତ କରିବା ସହ ଷଣ୍ଢଗୁଡିକୁ ଉଦ୍ଧାର କରାଯାଇଛି ।
ସୂଚନା ଅନୁଯାୟା ଭଦ୍ରକ ପୁରୁଣା ବଜାର ଥାନା 29 ନମ୍ବର ୱାର୍ଡ ଅନ୍ତର୍ଗତ ଗରଦପୁର ମିଲ୍ ଛକ ନିକଟରେ ପିକଅପ ଭ୍ୟାନଟି ଖରାପ ହୋଇଯିବାରୁ ଅଟକି ଯାଇଥିଲା । ସ୍ଥାନୀୟ ଲୋକେ ଭ୍ୟାନ ଭିତରେ କିଛି ଷଣ୍ଢ ଥିବା ଦେଖିବାକୁ ପାଇଥିଲେ । ଏନେଇ ଘଟଣାସ୍ଥଳରେ ସ୍ଥାନୀୟ ଲୋକଙ୍କ ମଧ୍ୟରେ ଚାପା ଉତ୍ତେଜନା ଦେଖାଯିବା ସହ ଭ୍ୟାନକୁ ଭଙ୍ଗାରୁଜା କରାଯାଇଥିଲେ । ଖବରପାଇ ପୋଲିସ ପହଞ୍ଚି ବେଆଇନ ଭାବେ ଷଣ୍ଢ ଚାଲାଣ କରୁଥିବା ଭ୍ୟାନକୁ ଜବତ କରିବା ସହ ଷଣ୍ଢଗୁଡିକୁ ଉଦ୍ଧାର କରିଛି ।
ଉଦ୍ଧାର ହୋଇଥିବା ଷଣ୍ଢ ମଧ୍ୟରୁ ଗୋଟିଏ ଷଣ୍ଢର ମୃତ୍ୟୁ ହୋଇଥିବା ଜଣାଯାଇଛି । ତେବେ ଘଟଣାସ୍ଥଳରୁ ପିକଅପ ଭ୍ୟାନ ଡ୍ରାଇଭର ଚମ୍ପଟ ମାରି ଥିବାବେଳେ ଏଭଳି ଘଟଣାକୁ ନେଇ ପୋଲିସ ତଦନ୍ତ ଆରମ୍ଭ କରିଛି । ଏନେଇ ପୋଲିସ ପକ୍ଷରୁ କୌଣସି ପ୍ରତିକ୍ରିୟା ପ୍ରକାଶ ପାଇନାହିଁ ।
ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ
