ଭଦ୍ରକ: ତିହିଡି ବ୍ଲକ ଭାଟପଡା ପଞ୍ଚାୟତରେ ଏକ ଘରୁ ବିପୁଳ ପରିମାଣର ସରକାରୀ ଚାଉଳ ଜବତ ହୋଇଛି । ଏଥିସହ ସେଠାରେ ଥିବା ଦୁଇଟି ଚାଉଳ ବୋଝେଇ ଟ୍ରକକୁ ମଧ୍ୟ ଜବତ କରାଯାଇଛି ।
ବେଆଇନ ଭାବେ ସରକାରୀ ଚାଉଳ ଗଚ୍ଛିତ ଥିବା ଘରକୁ ସିଲ କରିଛି ପ୍ରଶାସନ। ଏଥିସହ ଚାଉଳ ବୋଝେଇ ଦୁଇଟି ଟ୍ରକକୁ ପୋଲିସ ହେପାଜତକୁ ପଠାଇ ଦିଆଯାଇଛି। ଏତେ ପରିମାଣର ବେଆଇନ ସରକାରୀ ଚାଉଳ କେଉଁଠୁ ଆସିଲା ସେନେଇ ଏବେ ଉଠିଛି ପ୍ରଶ୍ନ ? ତଦନ୍ତ ପରେ ଚିତ୍ର ସ୍ପଷ୍ଟ ହେବ ବୋଲି ସୂଚନା ମିଳିଛି । ତେବେ ଏନେଇ ବିଭାଗୀୟ ଅଧିକାରୀ କୌଣସି ପ୍ରତିକ୍ରିୟା ପ୍ରକାଶ କରିବାକୁ ନାରାଜ। ଅନ୍ୟପକ୍ଷରେ ବିହିତ ତଦନ୍ତ କରାଯିବା ପାଇଁ ସାଧାରଣରେ ଦାବି ହୋଇଛି।
ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ