ଭଦ୍ରକ: ଗ୍ୟାସ ଟାଙ୍କି ଫାଟି ଭୟାବହ ଅଗ୍ନିକାଣ୍ଡ । ଭଦ୍ରକ ଜିଲ୍ଲା ଚାନ୍ଦବାଲି ବ୍ଲକ ଧାମରା କରଞ୍ଜମାଳ ପଞ୍ଚାୟତ ନରେନ୍ଦ୍ରପୁର ଗାଁରେ ଗ୍ୟାସ ଟାଙ୍କି ଫାଟି ସାତ ବଖରା ଘର ପୋଡି ପାଉଁଶ ହୋଇଯାଇଛି ।
ଗ୍ୟାସ ଟାଙ୍କି ଫାଟି ଭୟାବହ ଅଗ୍ନିକାଣ୍ଡ
ଗ୍ୟାସ ଟାଙ୍କି ଫାଟି ନରେନ୍ଦ୍ରପୁର ଗାଁର ନଟ ମାଝୀ, କଟ ମାଝୀ ଓ ମାଢୀ ମାଝୀଙ୍କ ସାତ ବଖରା ଘର ପୋଡି ପାଉଁଶ ହୋଇଯାଇଛି । ନିଆଁ ଲିଭାଇବାକୁ ଗ୍ରାମବାସୀମାନ ଉଦ୍ୟମ କରିଥିଲେ । ମାତ୍ର ନିଆଁରେ ପ୍ରକୋପ ଏତେ ଥିଲା ଯେ ନିଆଁକୁ ଆୟତ୍ତ କରିପାରି ନଥିଲେ । ଫଳରେ ଲକ୍ଷାଧିକ ଟଙ୍କାର ଆସବାପତ୍ର ସହ ଧାନ ଚାଉଳ ଜଳି ପୋଡି ଛାରଖାର ହୋଇଯାଇଥିଲା ।
ଅଗ୍ନିକାଣ୍ଡର ଖବର ପାଇ ଘଟଣାସ୍ଥଳରେ ଅଗ୍ନିଶମ ବାହୀନି ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଥିଲା । ହେଲେ ସେତେବେଳକୁ ସବୁ ପୋଡି ଜଳି ପାଉଁଶ ହୋଇଯାଇଥିଲା ।
ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ
