ଭଦ୍ରକ: ବାସୁଦେବପୁର ବ୍ଲକ ଅନ୍ତର୍ଗତ କିସ୍ମତ କୃଷ୍ଣପୁର ରାଉତ ସାହି ଗ୍ରାମରେ ଭୟାବହ ଅଗ୍ନିକାଣ୍ଡ। ଏଥିରେ ଗୋଟିଏ ପରିବାରର 4 ବଖରା ଘର ସହ ପଡୋଶୀ ଘର ଗୁହାଳ ପୋଡ଼ି ପାଉଁଶ ହୋଇଯାଇଛି। ନିଆଁର ପ୍ରଖରତା ଏତେ ଥିଲା ଯେ, ଘରୁ କିଛି ବାହାର କରିବା ସମ୍ଭବ ହୋଇନଥିଲା। ଚାହୁଁ ଚାହୁଁ 4 ବଖରା ଘର ପୋଡି ପାଉଁଶ ହୋଇଯାଇଥିଲା।
ଭଦ୍ରକରେ ଭୟାବହ ଅଗ୍ନିକାଣ୍ଡ
କେବଳ ପିନ୍ଧାଲୁଗା ବ୍ୟତୀତ ଘର ଭିତରୁ ଅନ୍ୟ କୌଣସି ଜିନିଷ ବାହାରକୁ କାଢିବା ସମ୍ଭବ ହୋଇ ପାରିନଥିଲା। ଫଳରେ ସମସ୍ତ ଆସବାବପତ୍ର, ଟଙ୍କା, ଅଳଙ୍କାର, ଧାନ, ଚାଉଳ ଓ ଅନ୍ୟାନ୍ୟ ଜିନିଷ ସମେତ ଲକ୍ଷାଧିକ ଟଙ୍କାର ସମ୍ପତି ପୋଡି ପାଉଁଶ ସୋଇଯାଇଥିବା ସୂଚନା ମିଳିଛି।
ଖବର ପାଇ ଘଟଣା ସ୍ଥଳରେ ବାସୁଦେବପୁର ଅଗ୍ନିଶମ ବାହିନୀ ପହଞ୍ଚି ନିଆଁକୁ ଆୟତ୍ତ କରିଛି। ତେବେ ଅଗ୍ନିକାଣ୍ଡର କାରଣ ସ୍ପଷ୍ଟ ହୋଇନାହିଁ। ଅଗ୍ନି ବିପନ୍ନ ଙ୍କୁ ସରକାରୀ ସହାୟତା ପ୍ରଦାନ କରିବା ପାଇଁ ଦାବି ହୋଇଛି।
ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ
