ଭଦ୍ରକ : ଫନି ରଚାଇଯାଇଛି ତାଣ୍ଡବ ଲୀଳା । ଏହାର ପ୍ରକୋପରୁ ବର୍ତ୍ତି ପାରିନି ଏକ ଦିବ୍ୟାଙ୍ଗଙ୍କ ପରିବାର । ଚାନ୍ଦବାଲିର ମତ ଗ୍ରାମର ଏକ ପରିବାର ଘର ଭିତରେ ଥିବାବେଳେ ଘର ଉପରେ ଉପୁଡ଼ିପଡିଛି ବିରାଟ ଗଛ । ଯାହାଫଳରେ ଫଶି ରହିଛନ୍ତି ପରିବାରର ପା଼ଞ୍ଚ ଜଣ ସଦସ୍ୟ ।
ଭିଡିଓ ସୌଜନ୍ୟ : ସମ୍ବାଦଦାତା, ଭଦ୍ରକ
ଘର ଭିତରେ ତିନିଦିନ ହେବ ସମସ୍ତେ ରହିଥିବା ବେଳେ ଆଜି ଖବର ପାଇ ଅଗ୍ନିଶମ ବିଭାଗ ଆରମ୍ଭ କରିଛି ଉଦ୍ଧାର କାର୍ଯ୍ୟ । ଦୀର୍ଘ ସମୟ ଧରି ଏହି ଉଦ୍ଧାର କାର୍ଯ୍ୟ ଜାରିରହିଥିବା ବେଳେ ଘର ଉପରେ ପଡିଥିବା ଗଛକୁ ଗ୍ରାମବାସୀଙ୍କ ସହାୟତାରେ କାଟିଛି ଅଗ୍ନିଶମ ବିଭାଗ ।
ପରେ ଏହି ଘର ଭିତରେ ଥିବା ବିକଳାଙ୍ଗ ଯୁବତୀଙ୍କ ସହ ଜଣେ ବୃଦ୍ଧା ମହିଳାଙ୍କୁ ଉଦ୍ଧାର କରିଛି ଉଦ୍ଧାରକାରୀ ଦଳ । ଏହି ପରିବାରକୁ ସରକାରଙ୍କ ସହାୟତା ପାଇଁ ଦାବୀ କରିଛନ୍ତି ଗ୍ରାମବାସୀ ।
ଭଦ୍ରକରୁ ଦେବାଶିଷ୍ ମହାପାତ୍ର, ଇଟିଭି ଭାରତ
