ଭଦ୍ରକ: ତିହିଡି ବ୍ଲକର ଗୋପଳିଆ କେନାଲରୁ ଏକ ମୃତଦେହ ଉଦ୍ଧାର । ମୃତକ ଜଣକ ସ୍ଥାନୀୟ ମନ୍ଦାରମାଳ ଅଞ୍ଚଳର ଗୋବିନ୍ଦ ଜେନା ବୋଲି ଜଣାପଡିଛି ।
କେନାଲରୁ ମୃତଦେହ ଉଦ୍ଧାର
ଖବର ଅନୁଯାୟୀ, ଗୋପଳିଆ କେନାଲର ଧଳି ପୋଲ ନିକଟରେ ସ୍ଥାନୀୟ ଲୋକେ ଏକ ମୃତଦେହ ଭାସୁଥିବା ଦେଖିବାକୁ ପାଇଥିଲେ । ତାହା ସ୍ଥାନୀୟ ଅଞ୍ଚଳରେ ଦିନ ମଜୁରିଆ ଭାବେ କାମ କରୁଥିବା ଗୋବିନ୍ଦଙ୍କ ମୃତଦେହ ବୋଲି ଜଣାପଡ଼ିଥିଲା ।
ପରେ ତାଙ୍କ ମୃତଦେହକୁ ଉଦ୍ଧାର କରାଯିବା ସହ ପୋଲିସକୁ ସୂଚନା ଦେଇଥିଲେ ସ୍ଥାନୀୟ ଲୋକେ । ଘଟଣାସ୍ଥଳରେ ପୋଲିସ ପହଞ୍ଚି ମୃତଦେହକୁ ଜବତ କରି ବ୍ୟବଚ୍ଛେଦ ପାଇଁ ପଠାଇଛି । ଅନ୍ୟପଟେ ଏନେଇ ଅଧିକ ତଦନ୍ତ ଜାରି ରଖିଥିବା ଜଣାପଡିଛି ।
ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ
