ଭଦ୍ରକ: ଅଧାରେ ଅଟକିଛି ବାଂଶଡ଼ା ସେତୁ । ନିର୍ମାଣାଧୀନ ସେତୁର କାର୍ଯ୍ୟାଦେଶ ଶେଷ ହୋଇପାରୁନଥିବାରୁ ଏହାର ପ୍ରତିବାଦ କରି କଂଗ୍ରେସ ଦଳ ପକ୍ଷରୁ ଶୁକ୍ରବାର ରେଳ ରୋକ କରାଯାଇଥିଲା ।
ମନ୍ତେଇ ନଦୀ ଉପରେ ବାଂଶଡ଼ା ସେତୁ ପାଇଁ ଟେଣ୍ଡର ହେବା ପରେ ପୋଲ କାର୍ଯ୍ୟ ଆରମ୍ଭ ହୋଇଥିଲା । ହେଲେ ଦୀର୍ଘ ଦିନ ହେବ ବାଂଶଡ଼ା ସେତୁ ବିଭିନ୍ନ ପ୍ରତିବନ୍ଧକ କାରଣରୁ ଏଯାଏ କାର୍ଯ୍ୟ ଶେଷ ହୋଇପାରୁନାହିଁ । ତେବେ ସେତୁର କାର୍ଯ୍ୟାଦେଶ ଶେଷ କରିବା ପାଇଁ ବହୁବାର ବିଭାଗୀୟ ଅଧିକାରୀଙ୍କ ଠାରୁ ଆରମ୍ଭ କରି ଜିଲ୍ଲା ପ୍ରଶାସନ ଏବଂ ସ୍ଥାନୀୟ ବିଧାୟକଙ୍କୁ ସ୍ଥାନୀୟବାସୀ ଅବଗତ କରିଥିଲେ । ହେଲେ କୌଣସି ସୁଫଳ ମିଳିନଥିବାରୁ ଏହାର ପ୍ରତିବାଦ ସ୍ବରୂପ କଂଗ୍ରେସ ଦଳ ପ୍ରତିବାଦ କରିଥିଲା ।
ସେପଟେ ଘଟଣାସ୍ଥଳରେ ସ୍ଥାନୀୟ ପ୍ରଶାସନ ଓ ଆଦାନୀ ପାର୍ଟିର କର୍ମଚାରୀ ପହଞ୍ଚି ଆନ୍ଦୋଳନକାରୀଙ୍କୁ ବୁଝାସୁଝା କରିଥିଲେ । ଏଥି ସହ ପୋଲ କାର୍ଯ୍ୟ ଏକ ମାସ ମଧ୍ୟରେ ଆରମ୍ଭ କରି 6 ମାସ ମଧ୍ୟରେ ଶେଷ କରିବାର ପ୍ରତିଶ୍ରୁତି ଦେବା ପରେ ଆନ୍ଦୋଳନ ପ୍ରତ୍ୟାହୃତ ହୋଇଥିଲା ।
ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ
